ანონსები
http://rustaveli.org.ge/images/Anonsebi/HSR2018.PNG
16/11/2017 16:53

ფონდი ავრცელებს ინფორმაციას ჯანდაცვის სისტემების კვლევის რიგით მეხუთე სიმპოზიუმის შესახებ

თუ ხართ ჯანდაცვის სფეროში მოღვაწე გამოცდილი ან ახალგაზრდა მეცნიერი და გაქვთ სურვილი ჩაერთოთ გლობალურ დიალოგში ჯანდაცვის სისტემების მდგრადი განვითარების მიზნების მისაღწევად, გამოიყენეთ შესაძლებლობა და გახდით ჯანდაცვის სისტემების კვლევის რიგით მეხუთე სიმპოზიუმის მომხსენებელი, რომელსაც 2018 წლის 8-12 ოქტომბერს ქალაქი ლივერპული უმასპინძლებს.   ჯანდაცვის სისტემების სრულყოფა მდგრადი განვითარების მიზნების მისაღწევად / Advancing Health Systems for All in the SDG Era - ეს იქნება მეხუთე სიმპოზიუმის მთავარი თემა, რომლის გარშემოც სფეროს 2000-ზე მეტი წარმომადგენელი გაცვლის საკუთარ მოსაზრებას და გამოცდილებას. მონაწილეებს  მიეცემათ შესაძლებლობა გაეცნონ ჯანდაცვის სფეროში არსებულ თანამედროვე მიდგომებს, შექმნან მეცნიერული მტკიცებულებები და ამასთანავე ხელი შეუწყონ ცოდნის გავრცელებასა და გამოყენებას ჯანდაცვის სფეროს განვითარების მიზნით.  სიმპოზიუმის პროგრამით დაგეგმილია 100-ზე მეტი პარალელური სესიის ჩატარება, რომელთა ერთი ნაწილი ორგანიზებულ, მეორე კი ინდივიდუალურ პრეზენტაციებს დაეთმობა. ამასთანავე, სიმპოზიუმის ძირითადი პროგრამის დაწყებამდე გაიმართება სატელიტური და უნარების განვითარებაზე ორიენტირებული სესიები, სადაც ახალგაზრდა მეცნიერები უფრო აქტიურად ჩაერთვებიან პროცესში და გაიფართოვებენ პროფესიულ სანაცნობო წრეს. დამატებითი ინფორმაცია სიმპოზიუმში მონაწილეობის შესახებ იხილეთ ბმულზე
სრულად
http://rustaveli.org.ge/images/2017%20AUGUST/IMG/banner_original.jpg
15/11/2017 13:05

ჰორიზონტი 2020-ის კოსმოსის სამუშაო პროგრამის საინფორმაციო დღე და საშუამავლო ღონისძიება

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას 13-14 დეკემბერს ქ. ვარშავაში, პოლონეთში დაგეგმილი ღონისძიების შესახებ. COSMOS2020 - ჰორიზონტი 2020-ის კოსმოსის მიმართულებით პოლონეთის ეროვნული საკონტაქტო პირი (NCP) ევროკავშირის კვლევის პროგრამებში, ევროკომისიის მხარდაჭერით ორგანიზებას უწევს 2018-2020 წლებში ჰორიზონტი 2020-ის ფარგლებში კოსმოსის მიმართულებაში დაგეგმილ კონკურსებს. ღონისძიება მიზნად ისახავს მეცნიერებისა და ტექნოლოგიების სფეროში დაინტერესებული მონაწილეებისთვის ახალი შესაძლებლობების გაცნობას. გარდა ამისა, შეხვედრა მიმოიხილავს კოსმოსის 2018-2020 წლების სამუშაო პროგრამასა და სტრატეგიული თანამშრომლობის შესაძლებლობებს, რომელიც მიმართულია უნივერსიტეტების, კვლევითი ცენტრების, ინდუსტრიის, მცირე და საშუალო მეწარმეების ასოციაციებისა და ადგილობრივი მმართველობის ორგანოებისათვის. ღონისძიება ჩატარდება კოპერნიკუსის სამეცნიერო ცენტრში, ვარშავაში. I საინფორმაციო დღე და საშუამავლო შეხვედრა გაიმართება 2017 წლის 13 დეკემბერს. II საინფორმაციო დღე და ტექნიკური ვიზიტი გაიმართება 2017 წლის 14 დეკემბერს. დარეგისტრირება შესაძლებელია მოცემული ბმულის მეშვეობით. ასევე, შეგიძლიათ იხილოთ 2018-2020 წლების კოსმოსის სამუშაო პროგრამა.
სრულად
http://rustaveli.org.ge/images/2017%20AUGUST/IMG/eapplus.PNG
14/11/2017 17:24

ვებინარი კვლევის, განვითარებისა და ინოვაციის შესახებ!

EaP PLUS პროექტის ფარგლებში, 2017 წლის 1 დეკემბერს ჩატარდება მესამე ვებინარი კვლევისა და ინოვაციის შესახებ. ეს ვებინარი მიმოიხილავს კვლევისა და ინოვაციის სფეროში თანამშრომლობის პროექტების სტრატეგიებს (მაგალითად „ჰორიზონტი 2020“). ვებინარს ჩაატარებენ სპიკერები სვეტლანა კლესოვა საფრანგეთიდან და ალექსანდრა პეტკოვიჩი ბელარუსიიდან. ვებინარი განსაკუთრებით მნიშვნელოვანია მკვლევარებისა და პროექტის მენეჯერებისათვის, რომლებიც კვლევის, განვითარებისა და ინოვაციის სფეროს პროექტებში არიან ჩართულები! ვებინარის მეშვეობით, შეგიძლიათ მიიღოთ ინფორმაცია კვლევის ეფექტურობის, თანამშრომლობის ახალი შესაძლებლობებისა და ევროპულ პარტნიორებთან თანამშრომლობისათვის და საერთაშორისო დაფინანსების შესაძლებლობისათვის აღმოსავლეთ ევროპის ქვეყნებისათვის. EaP PLUS პროექტის ფარგლებში სულ დაგეგმილია ექვსი ვებინარი მეცნიერებისა და ინოვაციებთან დაკავშირებულ საკითხებზე კვლევის, განვითარებისა და ინოვაციის სფეროში აღმოსავლეთ ევროპის ქვეყნებსა და ევროკავშირი - EaP RDI თანამშრომლობის საკითხებზე. 2017 წლის 1 დეკემბერს დაგეგმილი ვებინარი „სტრატეგიის კვლევისა და ინოვაციის თანამშრომლობით პროექტებში“ მესამეა ვებინარების სერიიდან. სპიკერები: სვეტლანა კლესოვა (ინოვაციების კონსულტანტი და დირექტორი inno TSD , საფრანგეთი)  და ალექსანდრა პეტკოვიჩი (პროექტის მენეჯერი www.adanisystems.com , ბელარუსია). დასარეგისტრირებელად, შეგიძლიათ იხილოთ ბმული: https://www.eventbrite.fr/e/eap-exploitation-strategy-in-ri-collaborative-projects-webinar-tickets-39723395746 ვებინარზე მოგეცემათ შესაძლებლობა, გამოცდილ ევროპელ პროფესიონალებს შეკითხვებიც დაუსვათ. დამატებითი კითხვების შემთხვევაში, შეგიძლიათ დაუკავშირდეთ კრისტინა დაქსს k.dax@inno-group.com იხილეთ ვებინარის შესახებ დანართი .
სრულად
http://rustaveli.org.ge/images/2017%20AUGUST/IMG/SPIRE.jpg
13/11/2017 15:15

ვებინარი SPIRE - ის (მდგრადი ინდუსტრიული პროცესის) შესახებ

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას 23 ნოემბერს (9:30-დან 10:30-მდე) EaP PLUS პროექტის ორგანიზებით დაგეგმილი ვებინარის შესახებ SPIRE-ის  2018 წლის კონკურსების შესახებ ევროკავშირისა და აღმოსავლეთ ევროპის პარტნიორი ქვეყნების მონაწილეთათვის. ვებინარზე დარეგისტრირება: https://meet.lync.com/kpk.gov.pl/olga.zyrina/O65PUPOQ 2018-2020 წლების ახალი სამუშაო პროგრამის „ნანოტექნოლოგიები, მასალები, ბიოტექნოლოგია, წარმოება და გადამუშავება“ ფარგლებში, SPIRE–ის კონკურსები განსაკუთრებულად წაახალისებს საერთაშორისო თანამშრომლობას აღმოსავლეთ პარტნიორობის ქვეყნებს შორის (უკრაინა, მოლდოვა, სომხეთი, საქართველო, აზერბაიჯანი და ბელარუსია). SPIRE - ის ფარგლებში დაგეგმილ პირველ სამ კონკურსზე განაცხადების წარდგენის ბოლო ვადაა 2018 წლის 22 თებერვალი. კონკურსები მოიცავს: მატერიალური ნედლეულის გადამუშავება ენერგიის არატრადიციული წყაროების გამოყენებით (CE-SPIRE-02-2018: Processing of material feedstock using non-conventional energy sources (IA); ენერგიისა და რესურსების ეფექტიანი გამოყენება ინდუსტრიაში (CE-SPIRE-03-2018: Energy and resource flexibility in highly energy intensive industries (IA 50%)); პლასტმასის შემცველი მასალების ეფექტური გადამუშავების პროცესები (CE-SPIRE-10-2018: Efficient recycling processes for plastic containing materials (IA)) .
სრულად
http://rustaveli.org.ge/images/2017%20AUGUST/IMG/Norway-Wind-Energy-Farm.jpg
07/11/2017 17:11

CLIENT II საერთაშრისო პარტნიორობა მდგრადი ინოვაციისათვის

შოთა რუსთაველის ეროვნული სამეცნიერო ფონდი ავრცელებს ინფორმაციას პროგრამის - ,,CLIENT II საერთაშრისო პარტნიორობა მდგრადი ინოვაციისათვის“ შესახებ. CLIENT II მხარს უჭერს საერთაშორისო კვლევით თანამშრომლობას კლიმატის, გარემოს დაცვისა და ენერგეტიკის მიმართულებით. CLIENT II დასაფინანსებლად განიხილავს გერმანიაში არსებული კომპანიების, უმაღლესი საგანმანათლებლო დაწესებულებების, კვლევითი ინსტიტუციების და მუნიციპალიტეტების საერთაშრისო კვლევით თანამშრომლობას. კონკურსის პირობების  მიხედვით, შესაძლებელია, რომ გერმანულ წარმდგენ ორგანიზაციას პარტნიორი მხარე  ჰყავდეს საქართველოდან. დაფინანსება გაიცემა სამწლიანი პროექტებისათვის. საერთაშორისო კვლევითი საპროექტო წინაადებების წარდგენა უნდა მოხდეს პროექტის გერმანელი კოორდინატორის მიერ გერმანიის განათლებისა და კვლევის ფედერალური სამინისტროს  (BMBF) პროექტების მართვის სააგენტოში. 2017 წლისათვის საბუთების წარდგენის ბოლო ვადაა 30 ნოემბერი. პროექტის დასაფინანსებლად საჭირო წინაპირობა მოიცავს შემდეგს: პარტნიორ ქვეყანაში კვლევითი პროექტის განხორციელების აუცილებლობა; მზაობა საერთაშრისო პარტნიორის  მიერ  ფონანსური კონტრიბუციის თაობაზე; მინიმუმ ერთი (საუკეთესო შემთხვევაში რამდენიმე) ინსტიტუციის ჩართულობა პარტნიორი ქვეყნის მხრიდან (სასურველია ეს იყოს კვლევითი ინსტიტუციები ან კომპანიები, რომლეთაც აქვთ კვლევის დეპარტამენტი).  ყველა ჩართული მხარის  მიერ ხელმოწერილი შეთანხმება თანამშრომლობის შესახებ, რომელიც განსაზღვრავს პროექტის ფარგლებში პარტნიორების კომპეტენციებს, ვალდებულებებს, თანამშრომლობის პირობებს (ასეთი დოკუმენტი ხელმოწერილი უნდა იყოს პროექტის დაწყებიდან სულ გვიან 6 თვის შემდეგ). დამატებითი ინფორმაციის მისაღებად იხილეთ ელ. ბროშურა .   დამატებითი კითხვების შემთხვევაში, მიმართეთ საკონტაქტო პირს: Ms Anke Krüger  Projektträger Jülich Phone: +49 30 20199-3455 E-mail: an.krueger@fz-juelich.de
სრულად
http://rustaveli.org.ge/images/2017%20AUGUST/IMG/23379711_10212975911305563_1134680501_o.jpg
07/11/2017 15:14

გრანტი საშუამავლო ღონისძიებებსა და მოსამზადებელ შეხვედრებში მონაწილეობისათვის

 შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას ევროკავშირის კვლევისა და ინოვაციის ჩარჩო პროგრამა “Horizon 2020”-ის  ფარგლებში დაფინანსებული პროექტის, EaP Plus -ის საგრანტო კონკურსის მეორე რაუნდის შესახებ. კონკურსის ფარგლებში, შეგიძლიათ, მონაწილეობა მიიღოთ საშუამავლო ღონისძიებებსა (ე.წ. brokerage events) და Horizon 2020-ის კონკურსებში წარსადგენ საპროექტო განაცხადების მოსამზადებელ შეხვედრებში.   საგრანტო კონკურსის ფარგლებში,  განსაკუთრებული ყურადღება დაეთმობა ე.წ. SPIRE-ის კონკურსებს და, შესაბამისად, აღნიშნული კონკურსების შესახებ საშუამავლო ღონისძიებებსა და მოსამზადებელ შეხვედრაში მონაწილეობას. SPIRE-ის მიმართულების კონკურსები იხილეთ ,,ჰორიზონტი 2020“-ის 2018-2020 წლების სამუშაო პროგრამაში   იხილეთ   EaP Plus საგრანტო კონკურსში წარსადგენი   დოკუმენტების ჩამონათვალი: განაცხადის წარდგენის გზამკვლევი ; მონაწილეობის კრიტერიუმები-Grants for networking ; განაცხადის ფორმა საშუამავლო ღონისძიებაში მონაწილეობისთვის; განაცხადის ფორმა მოსამზადებელ შეხვედრაზე მონაწილეობისათვის; მოსამზადებელ შეხვედრებში მონაწილეობის მოტივაციის წერილი; საშუამავლო შეხვედრის დასრულების შემდგომ წარმოსადგენი ანგარიშის ფორმა; მოსამზადებელი შეხვედრის დასრულების შემდგომ წარმოსადგენი ანგარიშის ფორმა; პროექტის მიერ შემოთავაზებული ღონისძიებების ჩამონათვალი: The Brokerage Event on Nanotechnology and Advanced Materials Water Knowledge Europe 2017 Edition Info Day, Horizon 2020 – 'Health, demographic change and wellbeing' Translational Medicine in Zurich სხვა საშუამავლო ღონისძიებები ხელმისაწვდომია ბმულზე :  http://een.ec.europa.eu/tools/services/EVE/Event/ListEvents განაცხადის წარდგენის ბოლო ვადაა 2018 წლის 31 მაისი. დაინტერესებულ პირებს განაცხადების წარდგენა შეუძლიათ  2017 წლის ნოემბრიდან 2018 წლის აგვისტომდე დაგეგმილ ღონისძიებებში მონაწილეობის მისაღებად და სასურველია, განაცხადის ფორმა გაგზავნილ იქნეს ღონისძიებამდე მინიმუმ ერთი თვით ადრე. დაგეგმილ ღონისძიებაში მონაწილეობის მისაღებად, განაცხადები ელექტრონულად უნდა გაუგზავნოთ პროგრამის კოორდინატორებს შოთა რუსთაველის საქართველოს ეროვნულ სამეცნიერო ფონდში. ასევე, დამატებითი კითხვების შემთხვევაში, შეგიძლიათ მიმართოთ პროგრამის კოორდინატორებს ფონდში: ირაკლი გრძელიშვილი: grdzelishvili@rustaveli.org.ge თამთა შკუბულიანი:   tshkubuliani@rustaveli.org.ge   EaP Plus პროექტის მხრიდან  ჩართულ საერთაშორისო ექსპერტს მარგიტ დევიდს ( Regional Centre for Information and Scientific Development, RCISD) E-mail: margit.david@rcisd.eu    
სრულად
http://rustaveli.org.ge/images/2017%20AUGUST/IMG/weq.png
03/11/2017 11:53

„ჰორიზონტი 2020“-ის სამუშაო პროგრამა 2018-2020 წლებისათვის

გამოქვეყნდა ევროკავშირის კვლევისა და ინოვაციის ჩარჩო პროგრამა  „ჰორიზონტი 2020 “-ის სამუშაო პროგრამა 2018-2020 წლებისათვის. 1) " ბრწყინვალე მეცნიერება ": ევროპული კვლევების საბჭო ; მომავალი და საბაზისო ტექნოლოგიები; მარია სკლოდოვსკა-კიურის აქტივობები; კვლევის ინფრასტრუქტურა, ინტერნეტ-ინფრასტრუქტურა 2) " ინდუსტრიული ტექნოლოგიების ლიდერობა ": კოსმოსი; ნანოტექნოლოგიები, მოწინავე მასალები, ბიოტექნოლოგია, თანამედროვე წარმოება და გადამუშავება; ინფორმაციული და საკომუნიკაციო ტექნოლოგიები 3) " საზოგადოებრივი გამოწვევები ": ჯანდაცვა, დემოგრაფიული ცვლილება და კეთილდღეობა; საკვების უსაფრთხოება, მდგრადი სოფლის მეურნეობა და მეტყევეობა, საზღვაო და ზღვის კვლევები და ბიოეკონომიკა; უსაფრთხო, სუფთა და ეფექტური ენერგია; „ჭკვიანი“, მწვანე და ინტეგრირებული ტრანსპორტი; კლიმატური ზემოქმედება, გარემო, რესურსების ეფექტურობა და ნედლეული ; ევროპა ცვალებად სამყაროში: ინკლუზიური, ინოვაციური, მოაზროვნე საზოგადოება; დაცული საზოგადოება - ევროპისა და მისი მოქალაქეების მშვიდობისა და უსაფრთხოების დაცვა         ჰორიზონტალური პროგრამები : ბრწყინვალების გავრცელება და მონაწილეობის გაფართოება; მეცნიერება საზოგადოებასთან ერთად და საზოგადოებისთვის; ინოვაციები მცირე და საშუალო მეწარმეებისთვის; რისკ-ფინანსებთან წვდომა  
სრულად
http://rustaveli.org.ge/images/2017%20AUGUST/IMG/1192.jpg
27/10/2017 18:03

ვებინარი „ჰორიზონტი 2020“-ის 2018-2020 წლების სამუშაო პროგრამაზე „ნანოტექნოლოგიები, მასალები, ბიოტექნოლოგია, წარმოება და გადამუშავება“

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას „ჰორიზონტი 2020“-ის 2018-2020 წლების სამუშაო პროგრამის -„ნანოტექნოლოგიები, მასალები, ბიოტექნოლოგია, წარმოება და გადამუშავება“ -ფარგლებში დაგეგმილი ვებინარის შესახებ, რომელიც ჩატარდება 31 ოქტომბერს 14:00 სთ-ზე. აღნიშნულ სამუშაო პროგრამაში განსაკუთრებით აღსანიშნავია SPIRE- (Sustainable Process Industry through Resource and Energy Efficiency)-ის ფარგლებში დაგეგმილი კონკურსები. ვებინარზე ევროკომისიის პროექტების ოფიცერი წარმოადგენს პრეზენტაციას დაფინანსების  პრიორიტეტების შესახებ და უპასუხებს თქვენს შეკითხვებს. პროგრამა 14:00: ვებინარის გახსნა 14:00: 2018-2020-ის სამუშაო პროგრამის „ნანოტექნოლოგიები, მასალები ბიოტექნოლოგია, წარმოება და გადამუშავება“ პრეზენტაცია- პროექტის ოფიცერი; ინდუსტრიული ტექნოლოგიებისა და ევროკავშირის კვლევისა და ინოვაციის დირექტორატები, ევროკომისია 14:40 კითხვა-პასუხი 15:00 დასასრული ვებინარში მონაწილეობა უფასოა და რეგისტრაცია შესაძლებელია 27 ოქტომბრამდე. აღნიშნული მიმართულების სამუშაო პროგრამის პირველადი ვერსია უკვე გამოქვეყნებულია, რომელსაც შეგიძლიათ გაეცნოთ და შეკითხვების არსებობის შემთხვევაში, 31 ოქტომბერს, ვებინარის მიმდინარეობისას პირდაპირ დაუსვათ შეკითხვები ევროკომისიის წარმომადგენლობას.
სრულად
http://rustaveli.org.ge/images/Anonsebi/10_years_erc.jpg
25/10/2017 16:54

გამოცხადდა ევროპული კვლევების საბჭოს (ERC) Consolidator Grant 2018

ფონდი ავრცელებს ინფორმაციას ევროპული კვლევების საბჭოს მიერ გამოცხადებული კონკურსის შესახებ. ERC Consolidator Grant 2018 გაიცემა ნებისმიერი ეროვნებისა და ასაკის, წარმატებული პროექტის ხელმძღვანელისათვის/Principal Investigator, რომელიც საკუთარი მკვლევართა ჯგუფისა და პროგრამის საბოლოოდ ჩამოყალიბების ეტაპზეა და მისთვის დოქტორის ან მასთან გათანაბრებული აკადემიური ხარისხის მინიჭებიდან 2018 წლის 1 იანვრამდე გასულია 7-დან 12 წლამდე. საკონკურსო პირობების თანახმად, პროექტის ხელმძღვანელი უნდა იყოს მკვლევარი, რომელიც რამდენიმე პუბლიკაციის ავტორია ან ხელმძღვანელის გარეშე აქვს დაწერილი ნაშრომი. ასევე სასურველია, კონკურსანტს ჰქონდეს საერთაშორისო კონფერენციებში მონაწილეობის გამოცდილება და პუბლიკაციები საერთაშორისო კვლევით ჟურნალებში ჰქონდეს გამოქვეყნებული.  დამატებითი ინფორმაციისთვის შეგიძლიათ იხილოთ ევროპული კვლევების საბჭოს 2018 წლის სამუშაო პროგრამა. კონკურსის ფარგლებში, კვლევა უნდა ჩატარდეს ევროკავშირის წევრ ან ასოცირებულ ქვეყანაში მდებარე კვლევით დაწესებულებაში და პროექტის ხელმძღვანელმა, დაფინანსების მოპოვების შემთხვევაში უნდა სამუშაო დროის 50 % ევროკავშირის წევრ ან ასოცირებული ქვეყანაში უნდა გაატაროს და თავისი სამუშაო დროის მინიმუმ 40 % კი ERC-ის პროექტით გათვალისწინებულ სამუშაოებზე (field work). დაფინანსება განსაზღვრულია 5 წლამდე კვლევითი პროექტებისთვის. კონკურსის მთლიანი ბიუჯეტი შეადგენს 550 მლნ. ევროს, თითოეულ დაფინანსებულ პროექტზე კი გათვლილია დაახლოებით 2 მლნ ევრო. განაცხადის ატვირთვა შესაძლებელია მხოლოდ ელექტრონულად, Participant Portal -ის მეშვეობით : განაცხადების წარდგენის ბოლო ვადაა 2018 წლის 15 თებერვალი. კონკურსის შესახებ დეტალური ინფორმაცია იხილეთ ბმულზე
სრულად
http://rustaveli.org.ge/images/Anonsebi/%E1%83%9C%E1%83%94%E1%83%90%E1%83%A0%E1%83%A3%E1%83%A1.png
23/10/2017 16:06

NearUs: „ჰორიზონტი 2020“-ის ერთ-ერთი ინიციატივა

შოთა რუსთაველის ეროვნული სამეცნიერო ფონდი ავრცელებს ინფორმაციას ევროკავშირის მეცნიერებისა და ინოვაციის ჩარჩო პროგრამა „ჰორიზონტი 2020“-ის ფარგლებში დაფინანსებულ NearUS ინიციატივის შესახებ. NearUS მიზნად ისახავს, გააძლიეროს ევროკავშირსა და ამერიკის შეერთებულ შტატების შორის არსებული თანამშრომლობა კვლევისა და ინოვაციის დარგში. NearUS-ის ფარგლებში გამოაცხადდა შემდეგი კონკურსები:   NearUS Match & Pitch at CES 2018 (7-11 იანვარი , 2018) ( ბმული ) კონკურსის სამიზნე ჯგუფი: სტარტაპის დამფუძნებლები, ძირითადად ბიზნესის განვითარების ადრეულ სტადიაში, რომელებსაც სურთ, მოიძიონ საბაზრო შესაძლებლობები და დაფინანსება საკუთარი ინოვაციებისთვის; მკვლევარები, რომელებსაც სურთ, მოიძიონ საბაზრო შესაძლებლობები და დაფინანსება კერძო სექტორისგან; კვლევითი ორგანიზაციების წარმომადგენლები, რომელებსაც სურთ, მოიძიონ საბაზრო შესაძლებლობები და დაფინანსება R&D პროექტებისთვის. განაცხადის მიღების ბოლო ვადა: 12 ნოემბერი, 2017.   NearUS Innovation Tour to San Francisco, Sacramento and Silicon Valley (15-19 იანვარი , 2018)!  ( ბმული ) კონკურსის სამიზნე ჯგუფი: ევროკავშირისა და ევროკავშირთან ასოცირებული ქვეყნების კვლევის სისტემაში მოღვაწე პირები, რომლებიც დაინტერესებულები არიან აშშ-ს ბაზრით; სტარტაპის დამფუძნებლები, ძირითადად ბიზნესის განვითარების ადრეულ სტადიაში, რომელებმაც ბიზნესი წამოიწყეს უნივერსიტეტის ან ლაბორატორიის ბაზაზე განხორციელებული კვლევის (spin off) ან შესაბამისი ტექნოლოგიის ლიცენზირებით; მკვლევარები, რომელებსაც სურთ, მოიძიონ საბაზრო შესაძლებლობები და დაფინანსება კერძო სექტორისგან; კვლევითი ეკოსისტემის წარმომადგენლები, რომელებსაც სურთ, მოიძიონ საბაზრო შესაძლებლობები და დაფინანსება R&D პროექტებისთვის (კლასტერის მენეჯერები, კვლევითი ლაბორატორიის მენეჯერები, ტექნოლოგიური ტრანსფერის ოფისის მენეჯერები, და სხვა). განაცხადის მიღების ბოლო ვადა: 12 ნოემბერი, 2017.   NearUS Research2Market (R2M) Bootcamp in Boston, with an individualised programme across the USA (4-16 მარტი , 2018) and a pre-departure workshop in Brussels in February 2018   ( ბმული ) განაცხადის მიღების ბოლო ვადა: 5 დეკემბერი, 2017. დამატებითი ინფორმაციის მისაღებად, ეწვიეთ შემდეგ ვებ-გვერდს: Near-us opportunities  
სრულად