ანონსები
http://rustaveli.org.ge/images/Anonsebi/h2020.jpg
21/02/2018 17:59

ვებინარი ჰორიზონტი 2020-ის მიმდინარე კონკურსის შესახებ - “უკეთესი ჯანმრთელობა &ეკონომიკური განვითარება და მდგრადი ჯანდაცვის სისტემა”

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას ჰორიზონტი 2020-ის კონკურსის შესახებ სახელწოდებით - უკეთესი ჯანმრთელობა &ეკონომიკური განვითარება და მდგრადი ჯანდაცვის სისტემა (BETTER HEALTH & CARE, ECONOMIC GROWTH & SUSTAINABLE HEALTH SYSTEMS). ვებინარი ჩატარდება ამა წლის 23 თებერვალს , 12 საათზე (GMT) , ქართული  დროით 16:00 საათზე და მისი ხანგრძლივობაა 60 წუთი, სამუშაო ენა- ინგლისური . მოდერატორი : Chiara Davalli, EBN    https://ebn.eu/ მომხსენებლები: Astrid Hoebertz, FFG - ჰორიზონტი 2020-ის ეროვნული საკონტაქტო პირი ჯანმრთელობის მიმართულებით Rodrigo Correa Oliveira - Oswaldo Cruz Foundation ვებინარზე ასევე განსაკუთრებული ყურადღება დაეთმობა შემდეგ საკითხებს საერთაშორისო თანამშრომლობის შესახებ. დეტალური ინფორმაცია შეგიძლიათ იხილოთ ბმულის მეშვეობით.
სრულად
http://rustaveli.org.ge/images/Anonsebi/XKIC%20Banner%20Ad.png
21/02/2018 16:54

ბიზნეს იდეების კონკურსი-EIT CROSS-KIC 2018

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას ბიზნეს იდეების კონკურსის შესახებ EIT CROSS-KIC 2018 . კონკურსის  მიზანია, მხარი დაუჭიროს დამწყებ მეწარმეებს  ბიზნეს იდეების განხორციელებაში შემდეგი მიმართულებების მიხედვით: საკვები, ჯანმრთელობა,  ნედლეული. კონკურსში მონაწილეობა შეუძლიათ ევროკავშირის წევრი სახელმწიფოების და  ასოცირებული ქვეყნების მოქალაქეებს. საუკეთესო ბიზნეს იდეა თითოეული მიმართულების მიხედვით დაჯილდოვდება 10 000 ევროთი. ბიზნეს იდეების შესახებ განაცხადის წარდგენის ბოლო ვადაა 2018 წლის 31 მარტი, 17:00 საათი ცენტრალური ევროპის დროით. დამატებითი ინფორმაციის მიღება შესაძლებელია შემდეგი საკონტაქტო პირებისგან: საკონტაქტო პირი EIT Food: Adam Strzelecki საკონტაქტო პირი EIT Health: Dora Marosvolgyi საკონტაქტო პირი EIT Raw Materials : Giorgio Recine დეტალური ინფორმაცია, გთხოვთ, იხილოთ ბმულზე .
სრულად
http://rustaveli.org.ge/images/Anonsebi/responsive_image.jpg
13/02/2018 16:44

ევროპული კვლევების საბჭოს (ERC) საგრანტო კონკურსის Proof of Concept Grant-ის შედეგები

შოთა რუსთაველის საქართველოს ეროვნული სამეცნიერო ფონდი ავრცელებს  ინფორმაციას ევროპული კვლევების საბჭოს  (ERC) საგრანტო კონკურსის- Proof of Concept Grant 2017 წლის შედეგების შესახებ. 2017 წლის კონკურსის ფარგლებში დაფინანსდა 160 მეცნიერი, Proof of Concept გრანტი საშუალებას აძლევს მეცნიერებს განავითარონ თავიანთი კვლევისათვის ბიზნეს შესაძლებლობები, ინტელექტუალური საკუთრების უფლებები, კვლევის ტექნიკური ვალიდაცია და სხვა საკითხები.  ევროპული კვლევების საბჭოს Proof of Concept-ის ფარგლებში თითოეულ პროექტზე გამოყოფილია 150 000 ევრომდე და 2017 წლის კონკურსის მთლიანი ბიუჯეტი 24 მილიონი ევროა. ყოველწლიურად კონკურსში განაცხადის წარდგენა შესაძლებელია სამი რაუნდიდან ერთ-ერთში, გასულ წელს 532 განაცხადი დარეგისტრირდა . ERC Proof of Concept Grants 2017 წლის- შედეგები:     პირველი რაუნდი მეორე რაუნდი მესამე რაუნდი ERC Proof of Concept Grant 2017-ის საერთო შედეგები დეტალური ინფორმაცია იხილეთ ევროპული კვლევების საბჭოს ოფიციალურ ვებგვერდზე .
სრულად
http://rustaveli.org.ge/images/Anonsebi/images_1.jpg
02/02/2018 14:25

ფონდი აანონსებს სახელმწიფო საგრანტო კონკურსს საქართველოში და საზღვარგარეთ არსებული ქართული მატერიალური და სულიერი მემკვიდრეობის სამეცნიერო კვლევებისათვის

საქართველოში და საზღვარგარეთ არსებული ქართული მატერიალური და სულიერი მემკვიდრეობის სამეცნიერო კვლევებისათვის  სახელმწიფო საგრანტო კონკურსი გამოცხადდება 2018 წლის თებერვალში. კონკურსის მიზანი კონკურსის მიზანია საქართველოში და მის ფარგლებს გარეთ არსებული ქართული ისტორიული ძეგლების, კულტურული მემკვიდრეობის ნიმუშების, წერილობითი და სხვა სახის წყაროების, საარქივო მასალის, ეთნოგრაფიული მონაცემების მაღალ სამეცნიერო დონეზე შესწავლა, მოძიება, აღრიცხვა და სისტემატიზაცია, ქართველი ერის ინტელექტუალური და ნივთიერი მემკვიდრეობის კვლევის პოპულარიზაცია, ახალგაზრდა სამეცნიერო კადრების მოზიდვა. გრანტის მოპოვება შესაძლებელია მხოლოდ ღია კონკურსის წესით!   კონკურსის ძირითადი პირობები კონკურსში მონაწილეობა და გრანტის მოპოვება შეუძლია: წამყვან ორგანიზაციას თანამონაწილე ორგანიზაციასთან ერთად (ერთობლივი პროექტის შემთხვევაში), პროექტის ხელმძღვანელს, თანახელმძღვანელს (ერთობლივი პროექტის შემთხვევაში) პროექტის კოორდინატორთან და ძირითად პერსონალთან ერთად. პროექტს უნდა ჰყავდეს ხელმძღვანელი, კოორდინატორი, მკვლევარი და ახალგაზრდა მეცნიერი; პროექტის ძირითად პერსონალში ჩართული უნდა იყოს არანაკლებ ერთი ახალგაზრდა მეცნიერი პროექტის განხორციელების მთლიანი პერიოდის განმავლობაში; პროექტში შეიძლება ჩართული იყოს უცხო ქვეყნის მოქალაქე ძირითადი ან დამხმარე პერსონალის სტატუსით. კონკურსზე წარმოდგენილი პროექტისათვის ფონდიდან მოთხოვნილი დაფინანსება არ უნდა აჭარბებდეს წელიწადში 100 000 ლარს საზღვარგარეთ წარმოებული კვლევითი პროექტისათვის და 70 000 ლარს საქართველოს ტერიტორიაზე წარმოებული პროექტისათვის. პროექტს  შესაძლებელია ჰქონდეს თანადაფინანსება (დამატებითი ფინანსური წყარო), რომელიც ნაწილობრივ დაფარავს პროექტის ბიუჯეტით გათვალისწინებული ხარჯების ნაწილს. პროექტის ხანგრძლივობა   შეიძლება იყოს 24 ან 36 თვე. პროექტის განხორციელება უნდა იწყებოდეს 2018 წლის სექტემბრიდან. კონკურსის გამოცხადებისას გამოქვეყნდება: კონკურსის წესები და პირობები, კონკურსზე წარმოსადგენი დოკუმენტები, კონკურსის განრიგი და რეგისტრაციის პროცედურები. კონკურსის საკითხებთან დაკავშირებით საკონტაქტო ინფორმაცია: ელ.ფოსტა: he@rustaveli.org.ge ტელეფონის ნომერი: 2 200 220 (4302)
სრულად
http://rustaveli.org.ge/images/2017%20AUGUST/IMG/Fundaci%C3%B3n%20Princesa%20de%20Asturias.jpg
31/01/2018 10:42

ფონდი ავრცელებს ინფორმაციას ასტურიის პრინცესას ყოველწლიური პრემიის შესახებ

ესპანეთის ტახტის მემკვიდრის, ასტურიის პრინცესა ლეონელის ფონდმა დაიწყო 2018 წლის ყოველწლიურ საერთაშორისო პრემიაზე წარსადგენი კანდიდატებისა და ორგანიზაციების განაცხადების მიღება. პრემია გაიცემა რვა კატეგორიაში: ხელოვნება, ლიტერატურა, სოციალური მეცნიერებები, კომუნიკაციები და ჰუმანიტარული სფერო, ტექნიკური და სამეცნიერო კვლევა, საერთაშორისო თანამშრომლობა, მშვიდობა და სპორტი. აუცილებელია, კანდიდატების/ორგანიზაციების საქმიანობა იყოს საერთაშორისო მასშტაბის. ასტურიის პრინცესას პრემიის ლაურეატები არიან: ესპანელი რეჟისორი პედრო ალმადოვარი, ამერიკელი რეჟისორი ფრენსის ფორდ კოპოლა, კომპანია Google, კანადელი ნოველისტი მარგარეტ ეტვუდი, გერმანელი მრბოლელი მიხაელ შუმახერი და ა.შ. ნომინაციების წარდგენის საბოლოო ვადაა 2018 წლის 14 მარტი . პრემიების გადაცემის ცერემონია გაიმართება ოქტომბერში, ასტურიის (ესპანეთი) დედაქალაქ ოვიედოში. პრემიას გადასცემს ესპანეთის მეფე ფელიპე VI. დამატებითი ინფორმაცია იხილეთ შემდეგ მისამართებზე: ასტურიის პრინცესას პრემია 2018 2018 წლის კონკურსის რეგულაციები
სრულად
http://rustaveli.org.ge/images/2017%20AUGUST/IMG/BSH_Logo_Screen-1438033693.jpg
29/01/2018 17:23

ფონდი ავრცელებს ინფორმაციას ვებინარის შესახებ: მარია სკლადოვსკა-კიური:RISE, IF და Euraxess Network

2018 წლის 31 იანვარს, ცენტრალური ევროპის დროით 11 საათზე (ქართული დროით 14 სთ) Black Sea Horizon პროექტის ფარგლებში გაიმართება ვებინარი შავი ზღვის ქვეყნებისათვის მარია სკლადოვსკა-კიურის აქტივობების შესახებ: კვლევისა და ინოვაციების პერსონალის გაცვლის აქტივობა (RISE); ინდივიდუალური კვლევითი ვიზიტი (Individual Fellowship); Euraxess ქსელი. ვებინარს გაუძღვებიან მარია სკლადოვსკა-კიურის ეროვნული საკონტაქტო პირები პოლონეთსა და რუსეთში და პოლონეთის Euraxess ექსპერტი. ვებინარის ხანგრძლივობა: 1 საათი. ვებინარზე დასწრება შეგიძლიათ მოცემული ბმულის მეშვეობით. აღნიშნული ვებინარი არის Black Sea Horizon პროექტის ფარგლებში ბოლო ვებინარი, რომელიც მიმოიხილავს მარია სკლადოვსკა კიურის კონკურსებს, ზოგადად, და მის ფარგლებში დაგეგმილ ზემოაღნიშნულ აქტივობებს. დამატებითი ინფორმაციისთვის შეგიძლიათ დაუკავშირდეთ ევროკავშირის ეროვნულ საკონტაქტო პირს კვლევითი პროგრამებისთვის: adam.gluszuk@kpk.gov.pl დამატებითი ინფორმაციისთვის, გთხოვთ, იხილოთ ბმული.
სრულად

ფონდი ავრცელებს ინფორმაციას საინფორმაციო შეხვედრის შესახებ „ინტელექტუალური საკუთრების დაცვა გამომგონებელთათვის“

24/01/2018 13:15
საქართველოს ინოვაციების და ტექნოლოგიების სააგენტოსა და საქართველოს ინტელექტუალური საკუთრების ეროვნული ცენტრის ერთობლივი პროექტის ფარგლებში გაიმართება საინფორმაციო შეხვედრა, რომლის მიზანია გამომგონებლებს მიაწოდოს ინფორმაცია შემდეგი საკითხების შესახებ: საპატენტო სისტემის როლი რა არის გამოგონება რა არის სასარგებლო მოდელი რისი დაპატენტება არის შესაძლებელი პატენტიდან გამომდინარე განსაკუთრებული უფლებები როგორი სახე აქვს განაცხადს როგორია ექსპერტიზის პროცედურა საპატენტო დაცვა საზღვარგარეთ  შეხვედრა გაიმართება ტექნოპარკში, 30 იანვარს 15:00 საათზე მონაწილეობასთვის გთხოვთ, შეავსეთ სააპლიკაციო ფორმა:  https://goo.gl/DDoKbk იხილეთ ბმული შეხვედრის შესახებ.
სრულად
http://rustaveli.org.ge/images/images.jpg
23/01/2018 16:20

ფონდი აანონსებს საქართველოს შემსწავლელი კვლევების მიზნობრივი კონფერენციების 2018 წლის საგრანტო კონკურსს

საქართველოს შემსწავლელი კვლევების მიზნობრივი კონფერენციების საგრანტო კონკურსი გამოცხადდება 2018 წლის თებერვალში.  კონკურსის მიზანი საქართველოს შემსწავლელი მეცნიერებების კონფერენციის საგრანტო კონკურსის მიზანია, ხელი შეუწყოს: ა) საქართველოს შემსწავლელი მეცნიერებების მაღალი რანგის საერთაშორისო სამეცნიერო კონფერენციების, კონგრესების, ფორუმებისა და სიმპოზიუმების ჩატარებას ფართო საზოგადოების ჩართულობით, საქართველოს შემსწავლელი კვლევების პოპულარიზაციასა და საერთაშორისო სამეცნიერო ასპარეზზე წარდგენას; ბ) საქართველოს შემსწავლელი მეცნიერებების მიმართულებების განვითარებასა და საერთაშორისო სტანდარტებით განხორციელებული კვლევების შედეგების გავრცელებას (დისემინაციას); გ) სხვადასხვა თაობისა და სხვადასხვა კვლევითი ცენტრების მკვლევართა შორის გამოცდილების გაზიარებას; დ) საერთაშორისო თანამშრომლობის წახალისებას; ე) საქართველოს შემსწავლელ მეცნიერებებში ახალგაზრდა კადრების მოზიდვას.   საქართველოს შემსწავლელი მეცნიერებები მოიცავს ქართველოლოგიასა და კვლევებს საქართველოს შესახებ მეცნიერებების ნებისმიერი მიმართულებიდან. გრანტის მოპოვება შესაძლებელია მხოლოდ ღია კონკურსის წესით! კონკურსის ძირითადი პირობები გრანტის მოსაპოვებლად, კონკურსში მონაწილეობა შეუძლია: წამყვან ორგანიზაციას, თანამონაწილე ორგანიზაციას (ასეთის არსებობის შემთხვევაში), პროექტის ხელმძღვანელს, თანახელმძღვანელს (თანამონაწილე ორგანიზაციის არსებობის შემთხვევაში) პროექტის კოორდინატორთან და ძირითად პერსონალთან ერთად. პროექტს უნდა ჰყავდეს პროექტის ხელმძღვანელი, კოორდინატორი და ძირითადი პერსონალი; პროექტს უნდა ჰყავდეს კონფერენციის სამეცნიერო კომიტეტი, რომელიც დაკომპლექტებულია კონფერენციის თემატიკის შესაბამისი მიმართულებ(ებ)ის მეცნიერებითა და მკვლევრებით; კონკურსის ფარგლებში საქართველოს შემსწავლელი მეცნიერებების კონფერენცია უნდა ჩატარდეს 2019 წლის 31 ოქტომბრის ჩათვლით. იგივე საპროექტო წინადადების წარმოდგენა მობილობისა და საერთაშორისო სამეცნიერო ღონისძიებების საგრანტო კონკურსში დაუშვებელია!. კონკურსზე წარმოდგენილი პროექტისათვის ფონდიდან მოთხოვნილი დაფინანსება არ უნდა აჭარბებდეს 40 000 ლარს. პროექტს უნდა ჰქონდეს თანადაფინანსება (დამატებითი ფინანსური წყარო), რომელიც ნაწილობრივ დაფარავს პროექტის ბიუჯეტით გათვალისწინებული ხარჯების ნაწილს. კონკურსის გამოცხადებისას გამოქვეყნდება: კონკურსის წესები და პირობები, კონკურსზე წარმოსადგენი დოკუმენტები, კონკურსის განრიგი და რეგისტრაციის პროცედურები. კონკურსის საკითხებთან დაკავშირებით საკონტაქტო ინფორმაცია: ელ.ფოსტა: gc@rustaveli.org.ge ტელეფონის ნომერი: 2 200 220 (4302)  
სრულად
http://rustaveli.org.ge/images/Images/IMG_3803.JPG
16/01/2018 17:39

„მეცნიერება იწყება სკოლიდან – კვლევები მოსწავლეთა მონაწილეობით“ კონკურსში მონაწილეობის მსურველთა საყურადღებოდ!

2018 წლის თებერვლის თვეში ფონდი გამოაცხადებს სახელმწიფო სამეცნიერო  საგრანტო კონკურსის –  „მეცნიერება იწყება სკოლიდან –  კვლევები მოსწავლეთა მონაწილეობით“ სახელმწიფო სამეცნიერო საგრანტო კონკურსის – „მეცნიერება იწყება სკოლიდან –  კვლევები მოსწავლეთა მონაწილეობით“ მიზანია ზოგადსაგანმანათლებლო დაწესებულებების მოსწავლეთა განათლების ხარისხის ამაღლება, განათლებისა და კვლევების დაახლოება, კვლევების ინტეგრირება სწავლის პროცესში; კვლევების პოპულარიზაციის გზით სკოლის მოსწავლეთა დაინტერესება მეცნიერებით; მოსწავლეთა შორის კვლევითი უნარების გამომუშავების ხელშეწყობა; მასწავლებელთა მოტივაციის ამაღლება  მოსწავლეთა კვლევებში ჩასართავად;  მეცნიერთა, მათ შორის, ახალგაზრდა მეცნიერთა (მაგისტრანტთა და დოქტორანტთა), ინტერესის გაზრდა სასკოლო პროცესში მონაწილეობისათვის;  სასწავლო პროცესში ისეთი სიახლეების დანერგვა, რომლებიც ხელს შეუწყობს ზოგადსაგანმანათლებლო დაწესებულებების  მუშაობის ეფექტიანობის გაზრდას, დაეხმარება  მოსწავლეს, გაიაზროს ამა თუ იმ საგნის მნიშვნელობა, რაც გაზრდის მის დაინტერესებას მეცნიერებისადმი.  კონკურსში პროექტების შემოტანა შესაძლებელია შემდეგ სამეცნიერო მიმართულებებში:         1  მათემატიკა; 2  ინფორმატიკა; 3  ფიზიკა; 4  ქიმია; 5  სიცოცხლის შემსწავლელი მეცნიერებები; 6  დედამიწის შემსწავლელი მეცნიერებები; 7  ეკოლოგია; 8  ინჟინერია და ტექნოლოგიები; 9  აგრარული მეცნიერებანი. კონკურსში პროექტის შეტანა შეუძლია საჯარო სკოლას/სკოლებს. პროექტის შემომტანთა შორის საჯარო სკოლასთან ერთად შესაძლებელია იყოს კერძო სკოლაც, რაც შესაძლებლობას აძლევს მას კვლევაში ჩართოს თავისი მოსწავლეები. ამასთანავე, პროექტში მონაწილე კერძო სკოლა ვერ იქნება სასწავლო-კვლევითი გრანტის მიმღები და ვერ მიიღებს მონაწილეობას როგორც გრანტის თანხების, ასევე მის ფარგლებში შეძენილი ქონების განაწილებაში. საჯარო სკოლის მხრიდან პროექტის ხელმძღვანელი უნდა იყოს საჯარო სკოლის VIII – XII კლასებში მომუშავე მოქმედი მასწავლებელი. მას შეუძლია მხოლოდ ერთი პროექტის წარდგენა. პროექტში მონაწილე მეცნიერი უნდა იყოს დოქტორის ან მასთან გათანაბრებული აკადემიური ხარისხის მქონე უმაღლესი საგანმანათლებლო დაწესებულების ან/და სამეცნიერო-კვლევითი დაწესებულების აკადემიური/სამეცნიერო პერსონალი, რომელიც კვლევის პროცესში სამეცნიერო კონსულტაციას უწევს პროექტის ხელმძღვანელს, პროექტის ასისტენტსა და მოსწავლეებს;  პროექტში უნდა მონაწილეობდეს პროექტის ასისტენტი, რომელიც ეხმარება პროექტის ხელმძღვანელსა და მეცნიერს პროექტის განხორციელებაში. იგი უნდა იყოს დოქტორანტი ან მაგისტრანტი საქართველოს მოქალაქე, რომელიც საქართველოს კანონმდებლობით დადგენილი წესით ჩარიცხულია საქართველოს უმაღლესი საგანმანათლებლო დაწესებულების დოქტორანტურის ან მაგისტრატურის საგანმანათლებლო პროგრამაზე და პროექტის შემოტანისას აქვს სტუდენტის აქტიური სტატუსი; პროექტის ხელმძღვანელის, მეცნიერის და პროექტის ასისტენტის ჩართულობა პროექტში აუცილებელი პირობაა. კონკურსის ფარგლებში წარმოდგენილი პროექტები უნდა ითვალისწინებდეს საჯარო სკოლის მოსწავლეთა აქტიური  მონაწილეობით კონკრეტული სამეცნიერო საკითხის/პრობლემის კვლევას; კვლევაში ჩართული მოსწავლეები უნდა სწავლობდნენ VIII, IX, X, XI ან/და XII კლასებში. პროექტში დაგეგმილი კვლევის ხანგრძლივობა უნდა იყოს 24 სამუშაო კვირა, რომელიც არ უნდა მოიცავდეს სასკოლო არდადეგებს. პროექტის განხორციელებამ ხელი არ უნდა შეუშალოს სკოლაში მიმდინარე  სასწავლო პროცესს. პროექტში უნდა აღინიშნოს კვლევაში მონაწილე მოსწავლეთა სავარაუდო კონტინგენტი და რაოდენობა. პროექტში მონაწილე მოსწავლეთა რაოდენობა არ უნდა იყოს 12 მოსწავლეზე ნაკლები. პროექტისათვის ფონდიდან მოთხოვნილი თანხა არ უნდა აღემატებოდეს 12 000 ლარს. შესაძლებელია, პროექტი ითვალისწინებდეს თანადაფინანსებას მონაწილე სუბიექტების ან სხვა იურიდიული პირების მიერ.  
სრულად
http://rustaveli.org.ge/images/image/3_1.JPG
16/01/2018 14:24

მოსწავლე გამომგონებელთა და მკვლევართა კონკურსში „ლეონარდო და ვინჩი“ მონაწილეობის მსურველთა საყურადღებოდ!

2018 წლის თებერვლის თვეში ფონდი გამოაცხადებს მოსწავლე გამომგონებელთა და მკვლევართა  კონკურსი „ლეონარდო და ვინჩი“ კონკურსს. მოსწავლე გამომგონებელთა და მკვლევართა   კონკურსის „ლეონარდო და ვინჩი“-ს მიზანია  ზოგადსაგანმანათლებლო დაწესებულებებში მიმდინარე რეფორმების ხელშეწყობა; სასწავლო პროცესის სტიმულირება-სრულყოფა, სწავლისადმი ინტერესის გაღვივება; ინოვაციებისა და ტექნიკის მიმართ მოსწავლეთა ინტერესის გაღვივება; შემოქმედებითი აზროვნებისა და პრაქტიკული უნარ-ჩვევების განვითარება. კონკურსი ტარდება საქართველოს მთავრობის 2011 წლის 23 თებერვლის N98 დადგენილების შესაბამისად. კონკურსში მონაწილეობა შეუძლია პირს, რომელიც არის საქართველოს ზოგადსაგანმანათლებლო დაწესებულების (სახელმწიფო და კერძო სკოლების) VII-XII კლასის მოსწავლე. კონკურსში განაცხადების წარდგენა შესაძლებელია ინდივიდუალურად და ჯგუფურად. ჯგუფის წევრთა რაოდენობა არ უნდა აღემატებოდეს შესაბამისი კლას(ებ)ის სამ მოსწავლეს. კონკურსზე პროექტის დარეგისტრირების შემდეგ ჯგუფის წევრთა ცვლილება დაუშვებელია. თითოეულ გუნდს შეუძლია გუნდის ლიდერის დანიშვნა, რომელიც მიმდინარე სამუშაოებს გაუწევს კოორდინაციას, იქნება გუნდის სპიკერი და საკონტაქტო პირი. მიუხედავად ამისა, გუნდის თითოეულ წევრს უნდა შეეძლოს სპიკერის/ საკონტაქტო პირის როლის შესრულება, უნდა იყოს სრულად ჩართული პროექტში  და იცნობდეს მის ყველა ასპექტს. საბოლოო ნამუშევარი უნდა ასახავდეს გუნდის ყველა წევრის კოორდინირებულ ძალისხმევას. გუნდური პროექტი შეფასდება ინდივიდუალური პროექტების მსგავსი წესებითა და შეფასების კრიტერიუმებით. ერთი და იგივე პირი ვერ იქნება საკონკურსოდ წარდგენილი ორზე მეტი განაცხადის ავტორი ან თანაავტორი. გამარჯვების შემთხვევაში დაფინანსდება მხოლოდ ერთი პროექტი.    საკონკურსოდ  არ უნდა იყოს წარმოდგენილი კვლევა, რომელიც განხორციელდა 2017 წლის იანვრამდე. საკონკურსოდ არ განიხილება პროექტი, რომელმაც საპრიზო ადგილი დაიკავა ან გაიმარჯვა ფონდის ან სხვა ორგანიზატორის  მიერ ადრე ჩატარებულ  კონკურსში. ყალბი ინფორმაციის წარმოდგენის შემთხვევაში პროექტი მოიხსნება კონკურსიდან. თითოეულ გუნდს, ან მოსწავლეს უნდა  ჰყავდეს  ხელმძღვანელი, რომელიც შესაძლებელია  იყოს მასწავლებელი, მშობელი ან  მეცნიერი, რომლის ლაბორატორიაშიც მოსწავლე მუშაობს. ხელმძღვანელი   პროექტზე მუშაობის მთელი პერიოდის მანძილზე უნდა იმყოფებოდეს მოსწავლესთან მჭიდრო კონტაქტში. ის უნდა იცნობდეს ყველა შესაბამის რეგულაციას, რომელიც პოტენციურად საშიშ ან სარისკო კვლევის ჩატარებას ეხება და, რომლებიც მოსწავლის პროექტთანაა დაკავშირებული. ასეთი კვლევა შეიძლება მოიცავდეს ქიმიური ან ბიოლოგიური ნივთიერებებისა და აღჭურვილობის გამოყენებას, ექსპერიმენტულ მეთოდებს, უჯრედების კულტურის, მიკროორგანიზმების ან საშიში ცხოველების/ ცხოველური ქსოვილების შესწავლას. იმ შემთხვევაში, თუ კვლევა ხორციელდება ლაბორატორიაში, ან  ეხება პოტენციურად საშიშ ბიოლოგიურ და კონტროლირებად ნივთიერებებს, აუცილებელია შესაბამისი რეგულაციების, შეზღუდვების ზედმიწევნით ზუსტი დაცვა და დარგის მეცნიერის ან ზედამხედველის მონაწილეობა პროექტში. კონკურსის მონაწილეს უფლება აქვს საკონკურსოდ წარადგინოს მხოლოდ საკუთარი ავტორობით/თანაავტორობით შედგენილი განაცხადი. საკონკურსო კომისია გამოფენაზე გამოავლენს გამარჯვებულებსა და სპეციალური პრიზების მფლობელებს, კერძოდ, გამოვლინდება ერთი გრანპრი, პირველი, მეორე და მესამე ადგილის მფლობელი პროექტი. გრანპრით დაჯილდოებული პროექტის ავტორი გაემგზავრება საზღვარგარეთ შემეცნებითი ტურით. პირველ ადგილზე გასული პროექტის ავტორი დაჯილდოვდება 5000 ლარის ოდენობით, მეორე ადგილზე გასული პროექტის ავტორი - 3000 ლარის ოდენობით, ხოლო მესამე ადგილზე გასული პროექტის ავტორი - 2000 ლარის ოდენობით. ჯგუფურად წარმოდგენილი პროექტების დაჯილდოების შემთხვევაში შესაბამისი თანხა თანაბრად იყოფა ჯგუფის წევრებს შორის.
სრულად