სხვა საერთაშორისო კონკურსები
http://rustaveli.org.ge/images/NEWS/Green%20Talents%20pic.png
16/04/2018 17:25

გერმანიის განათლებისა და კვლევების სამინისტროს კონკურსი

ფონდი ავრცელებს ინფორმაციას გერმანიის განათლებისა და კვლევების სამინისტროს მიერ ინიცირებული “ Green Talents – International Forum for High Potentials in Sustainable Development ”- კონკურსის შესახებ. ფორუმი ემსახურება მდგრადი განვითარების მიმართულებით სხვადასხვა სფეროებში მომუშავე ახალგაზრდა მკვლევართა და მეცნიერთა საუკეთესო ნამუშევრებისა და ინოვაციური პროექტების, კონკურსის პრინციპით გამოვლენას. პროექტი ტარდება გერმანიის განათლებისა და კვლევების მინისტრის ანია კარლიჩზეკის პატრონაჟით. პროექტი ყოველწლიურად აჯილდოებს 25 მონაწილეს. გამარჯვებულთა შერჩევის პროცესს უძღვება კონკურსის ჟიური . 2018 წლის Green Talents Award მოიცავს : 2018 წლის სამეცნიერო ფორუმის ორ კვირიან, სრულად დაფინანსებულ მოსაწვევს, რომელიც გულისხმობს: შეხვედრებს გერმანიის მდგრადი განვითარების ინსტიტუციებში და შესაბამისი პროფილის მქონე კვლევით კომპანიებში; ინდივიდუალურ შეხვედრებს გერმანელ ექსპერტებთან მომავალი კვლევებისა და თანამშრომლობის განსახილველად; ბერლინში, დაჯილდოების ცერემონიაზე Green Talents-ის კურსდამთავრებულთა მონაწილეებთან კონტაქტის დამყარების საშუალებას. 2019 წლის გამარჯვებულთა მიერ შერჩეულ ინსტიტუციაში, სრულად დაფინანსებულ სამ თვემდე ხანგრძლივობის კვლევას; Green Talents-ის კურსდამთავრებულთა ქსელზე ექსკლუზიურ დაშვებას. მონაწილეობის მსურველები უნდა აკმაყოფილებდნენ შემდეგ მოთხოვნებს: მაგისტრატურის ან დოქტორანტურის სტუდენტის აქტიური სტატუსი ან დასრულების ხარისხი მიღებული არაუმეტეს სამი წლისა, აპლიკაციების მიღების საბოლოო ვადის დასრულებამდე; მდგრადი განვითარების მიმართულებით კვლევითი საქმიანობა და მულტიდისციპლინარული მიდგომა; ინგლისური ენის ცოდნის დამადასტურებელი დოკუმენტი; საშუალოზე მაღალი ქულები მიმდინარე ან დასრულებულ სასწავლო უნივერსიტეტში; განმცხადებელი არ უნდა იყოს გერმანიის მოქალაქე ან გერმანიაში ცხოვრების უფლების მქონე პირი. დამატებითი ინფორმაციისა და კონკურსის ბროშურის სანახავად, ეწვიეთ ვებ-გვერდს . განაცხადების წარდგენის ბოლო ვადაა: 2018 წლის 23 მაისი. განაცხადების წარსადგენად ეწვიეთ ვებ-გვერდს .  
სრულად
http://rustaveli.org.ge/images/Anonsebi/PATL%20img_1.jpg
05/04/2018 10:27

შოთა რუსთაველის ეროვნული სამეცნიერო ფონდი ავრცელებს ინფორმაციას რობერტ ბოშის ფონდის მიერ ინიცირებული პროექტის Postdoc Academy for Transformational Leadership შესახებ

პროექტის მიზანი: საზოგადოებისათვის საერთაშორისო პროგრამის შეთავაზება, რომლის მიზანია მდგრადი განვითარებისა და ტრანსფორმაციის კვლევის მიმართულებით ახალგაზრდა მეცნიერთა მომზადება. პროგრამა განხორციელდება  წამყვანი ევროპული აკადემიური ინსტიტუტების ჩართულობითა და ხელშეწყობით. პროექტის განხორციელების ფორმატი: The Postdoc Academy for Transformational Leadership მოიცავს, ორი წლის განმავლობაში ჩასატარებელ ოთხ ინტენსიურ სემინარს, რომელიც ემსახურება კარიერის საწყის ეტაპზე მყოფი მკვლევრების კომპეტენციის გაუმჯობესებას. მონაწილეობა: პროგრამაში მონაწილეობა შეუძლიათ პოსტ-დოქტორანტებს, მათ შორის ახალგზარდა მეცნიერებს აღმოსავლეთ პარტნიორობის ქვეყნებიდან, მათ შორის საქართველოდან. პროგრამის ფარგლებში შეირჩევა 20 ახალგაზრდა მკვლევარი. მონაწილეობის პირობების შესახებ ინფორმაცია იხილეთ ბმულზე . აკადემიის პროგრამის ამსახველი ბროშურა იხილეთ ბმულზე : პროექტის განხორციელების ადგილი და დრო: პირველი სემინარი: Humboldt-Universität zu Berlin , 10 – 12 ოქტომბერი, 2018; მეორე სემინარი: Leuphana University of Lüneburg , 7 – 9 თებერვალი, 2019; მესამე სემინარი:  Stockholm Resilience Centre , 16 – 18 ოქტომბერი, 2019; მეოთხე სემინარი: Dutch Research Institute for Transitions (DRIFT) , 18 – 20 მარტი, 2020. განაცხადების წარდგენის ბოლო ვადა: 15.04.2018 საკონტაქტო პირი რობერტ ბოშის ფონდიდან: Andrea Bruhn პროექტის მენეჯერი Tel: +49 711 46084-610
სრულად
http://rustaveli.org.ge/images/Anonsebi/JRC.jpg
04/04/2018 17:26

ფონდი ავრცელებს ინფორმაციას ერთობლივი კვლევების ცენტრის პროექტის შესახებ

შოთა რუსთაველის ეროვნული სამეცნიერო ფონდი ავრცელებს ინფორმაციას ევროკომისიის ერთობლივი კვლევების ცენტრის პროექტთან დაკავშირებით. კონკურსის მიზანია შეიმუშაოს State-of-the-science მოხსენება და ფაქტებზე დაფუძნებული ჰიპოთეზა, პოლიტიკური გადაწყვეტილების ჩამოყალიბების წარმმართველი მოდელებისათვის და მათში ფაქტობრივი საფუძვლის მნიშვნელობისათვის. ერთობლივი კვლევების ცენტრი (JRC) წარმოადგენს ევროკომისიის მეცნიერებისა და განათლების სამსახურს, რომელიც ასაქმებს მეცნიერებს იმისათვის, რომ მეცნიერული კვლევის საფუძველზე ჩამოაყალიბონ დამოუკიდებელი სამეცნიერო რეკომენდაცია და ხელი შეუწყონ ევროკავშირის პოლიტიკას. აღნიშნული კონკურსის ფარგლებში, ძირითადი მოხსენება შემუშავებულ იქნება ერთობლივი კვლევების ცენტრის (JRC) -ის მიერ, რომელიც დაეყრდნობა ექსპერტების დაწერილ State-of-the-science-ის ლიტერატურულ მიმოხილვებს. Enlightenment 2.0 flagship report - ისათვის პროექტის მიზანია თანამშრომლობა უკუკავშირის მიღების მიზნით და მასში მონაწილეობა შეუძლიათ: ინდივიდუალურად მომუშავე მეცნიერებს; წამყვან ავტორებს კონკრეტული დისციპლინის ფარგლებში, სამეცნიერო ლიტერატურის ავტორებსა და თანაავტორებს; დარგის ექსპერტებს; მმართველი კომიტეტის წევრებს/ექსპერტებს (Steering Committee members). საერთაშორისო ორგანიზაციებს; პროექტში მონაწილეობის მიღება შესაძლებელია ღია კონკურსის გზით და ის მოიცავს შემდეგ დისციპლინებს: შემეცნებითი ლინგვისტიკა; ეთნოლოგია/ანთროპოლოგია; ევოლუციური ბიოლოგია; განმანათლებლობის ისტორია; ნეირო მეცნიერებები; ორგანიზაციული მეცნიერებები; ქცევითი მეცნიერებები; მეცნიერების ფილოსოფია; ფიზიოლოგია; პოლიტიკური კვლევები; პოლიტიკური ქცევა; პოლიტიკური ფსიქოლოგია; პოლიტიკური მეცნიერება; ფსიქოლოგია; სოციალური ფსიქოლოგია; სოციოლოგია; თეოლოგია. განაცხადების წარდგენის ბოლო ვადა: 30 აპრილი, 2018. დეტალური ინფორმაცია იხილეთ ბმულზე.
სრულად
http://rustaveli.org.ge/images/Anonsebi/Untitled.png
29/03/2018 17:26

ფონდი ავრცელებს ინფორმაციას ევროკომისიის კონკურსის შესახებ ორგანიზაციებისთვის ლიტერატურული თარგმანების პროექტების მხარდასაჭერად

ფონდი ავრცელებს ინფორმაციას ევროკომისიის მიერ ლიტერატურული თარგმანების პროექტების მხარდამჭერი 2018 წლის კონკურსის შესახებ „EACEA 13/2018: Support to Literary translations projects“ შესახებ, რომელში მონაწილეობაც შეუძლიათ გამომცემლობებს, იურიდიული პირის სტატუსის მქონე ორგანიზაციებს. განაცხადების წარდგენის ბოლო ვადაა 2018 წლის 23 მაისი, 12:00 (ბრიუსელის დროით). ლიტერატურული თარგმანების პროექტების კონკურსის მიზანია კულტურული და ლინგვისტური მრავალფეროვნების, ევროპული ლიტერატურული თარგმანების გავრცელებისა და მრავალფეროვნების ხელშეწყობა, ნაკლებად განვითარებული ლიტერატურული ჟანრების წახალისება და სხვ. კონკურსში მონაწილეობა შეუძლიათ ორგანიზაციებს არამხოლოდ ევროკავშირის წევრი ქვეყნებიდან, არამედ ასოცირებულ ქვეყნებიდანაც, მათ შორის საქართველოდან (იხილეთ ბმული ). განაცხადების წარდგენა შესაძლებელია მონაწილეთა პორტალის მეშვეობით. ყურადსაღებია, რომ განაცხადის წარსადგენად, აუცილებელია რეგისტრაციის გავლა ევროკომისიის საიდენტიფიკაციო სერვისის პორტალზე ECAS (European Commission Authentication Service). იხილეთ, ინფორმაცია კონკურსთან დაკავშირებით და განაცხადის წარსადგენად საჭირო დანართები. დეტალური ინფორმაციისთვის კონკურსის პირობების შესახებ, შეგიძლიათ იხილოთ ვებგვერდზე. პროგრამას კოორდინირებას უწევს საქართველოს კულტურისა და სპორტის სამინისტრო, ,,შემოქმედებითი ევროპა".  დეტალური ინფორმაციისთვის კონკურსის პირობების შესახებ, შეგიძლიათ იხილოთ  ვებგვერდი .
სრულად
http://rustaveli.org.ge/images/Anonsebi/saproeqto%20jpg.Wby8BiZIP3.jpg
29/03/2018 17:26

ფონდი ავრცელებს საპროექტო განაცხადის წერაზე ტრენინგის შესახებ ინფორმაციას

ტრენინგის მიზანია,  მონაწილეებს  მიაწოდოს ინფორმაცია პროექტების წერის საერთაშორისო სტანდარტების შესახებ, ხელი შეუწყოს იმ საჭირო უნარ-ჩვევების გამომუშავებას,  რომლებიც აუცილებელია ეფექტური პროექტებისწერისათვის. კურსი განკუთვნილია დამწყებთათვის. ინფორმაცია ტრენინგის შესახებ იხილეთ ბმულზე .
სრულად
http://rustaveli.org.ge/images/Anonsebi/STICKER.jpg
23/03/2018 10:23

საერთაშორისო საზაფხულო სკოლა მიგრაციის საკითხებზე

შოთა რუსთაველის ეროვნული სამეცნიერო ფონდი ავრცელებს ინფორმაციას საზაფხულო სკოლის შესახებ, რომელიც ჩატარდება მიგრაციის პოლიტიკის განვითარების საერთაშორისო ცენტრის ორგანიზებით ( ICMPD ) აზერბაიჯანში,  კახში. პროექტი ორგანიზებულია ევროკავშირის მიერ დაფინანსებული ორი პროექტის ფარგლებში, „მიგრაციის მართვის მდგრადობის ხელშეწყობა საქართველოში“ – ENIGMMA 2 და  „აზერბაიჯანთან „პარტნიორობა მობილობისთვის“ განხორციელების მხარდაჭერა“ – MOBILAZE . საზაფხულო სკოლა მიზნად ისახავს საქართველოში, აზერბაიჯანში, ევროკავშირსა და მსოფლიოში მიგრაციის მდგომარეობასთან და პოლიტიკასთან დაკავშირებულ საკითხებზე ცნობიერების ამაღლებას. პროექტი მონაწილეებს სთავაზობს მულტი დისციპლინურ, ინოვაციურ, აკადემიურ და კვლევაზე ორიენტირებულ ლექციებს, სემინარებსა და პროექტებს, რომლებსაც ჩაატარებენ აკადემიური წრის საერთაშორისო ექსპერტები ევროკავშირიდან, აზერბაიჯანიდან და საქართველოდან. საზაფხულო სკოლა ინგლისურ ენაზე წარიმართება, შესაბამისად სავალდებულოა ინგლისური ენის კარგ დონეზე ცოდნა. დამატებითი ინფორმაცია საზაფხულო სკოლის შესახებ იხილეთ მიგრაციის პოლიტიკის განვითარების საერთაშორისო ცენტრის ვებგვერდზე. საზაფხულო სკოლის ხანგრძლივობა: 1-7 ივლისი შევსებული აპლიკაცია, შესაბამის დოკუმენტებთან ერთად (CV ინგლისურ ენაზე), შეგიძლიათ გაგზავნოთ შემდეგ ელექტრონულ ფოსტაზე: summer-school@icmpd.org. განაცხადების მიღების ბოლო ვადაა 2018 წლის 31 მარტი.
სრულად
http://rustaveli.org.ge/images/Anonsebi/imi.png
22/03/2018 10:24

ფონდი ავრცელებს ინფორმაციას ინოვაციური მედიცინის ინიციატივის (IMI) კონკურსის შესახებ

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას  ინოვაციური მედიცინის ინიციატივა 2-ის (IMI), 2018 წლის რიგით 14-ე საგრანტო კონკურსის შესახებ. IMI წარმოადგენს ევროკავშირისა და ევროპული ფარმაცევტული ინდუსტრიის ერთობლივ პროექტს, რომელიც ემსახურება სამედიცინო დახმარებასა და პროცედურებზე წვდომის განვითარებას, განსაკუთრებით იმ რეგიონებში სადაც პაციენტები ვერ იღებენ შესაბამის სამედიცინო დახმარებას. IMI-ს მეორე ფაზის (IMI2, 2014-2020) მიზანია ისეთი თანამედროვე ვაქცინების, წამლებისა და თერაპიების განვითარება, როგორიცაა ანტიბიოტიკები. პროგრამა ფოკუსირებულია ხანშიშესული ადამიანების მზარდი რაოდენობის, უკეთესი და ეფექტური წამლებითა და პროცედურებით უზრუნველყოფაზე. კონკრეტულად ინიციატივა მიზნად ისახავს მედიკამენტთა განვითარების პროცესის გაუმჯობესებას, მარეგულირებლის მიერ დამტკიცებული დიაგნოსტიკური და სამკურნალო ბიო-მარკერების განვითარებას, რომლებიც დაკავშირებულია კლინიკურ დაავადებებთან. საკონკურსო თემები მოიცავს სამედიცინო დარგის შემდეგ საკითხებს:   Topic 1: Targeted immune intervention for the management of non-response and relapse; Topic 2: Non-invasive clinical molecular imaging of immune cells ; Topic 3: Development of a platform for federated and privacy-preserving machine learning in support of drug discovery ; Topic 4: Centre of excellence – remote decentralised clinical trials ;   კონკურსზე განაცხადების წარდგენა შესაძლებელია „ჰორიზონტი 2020“-ის მონაწილეთა პორტალის მეშვეობით. პროექტების წარდგენის ბოლო ვადა: 2018 წლის 14 ივნისი, 20:00 (1 ეტაპი); პროექტების წარდგენის ბოლო ვადა: 2018 წლის 11 დეკემბერი (2 ეტაპი) . იხილეთ კონკურსის დეტალები და განაცხადის ფორმები .   დამატებითი ინფორმაციისთვის, ასევე შეგიძლიათ ეწვიოთ ვებგვერდს.  
სრულად
http://rustaveli.org.ge/images/Anonsebi/pastedImage.png
19/03/2018 10:25

აღმოსავლეთ სანაპიროს ინოვაციების ტური

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას აშშ-ის კვლევებისა და ინოვაციების ცენტრების ევროპული ქსელის ( ENRICH ) და ამერიკისა და ევროპის მეწარმეობის საბჭოს ( EAEC ) მიერ გამოცხადებული კონკურსის შესახებ. აშშ-ში კვლევებისა და ინოვაციების ცენტრების ევროპული ქსელი ორგანიზებას უწევს აღმოსავლეთ სანაპიროს საინოვაციო ტურს, როგორც ინსტრუმენტს კარგი პოტენციალის მქონე ევროკავშირის კვლევებისა და ტექნოლოგიების კომერციალიზაციისათვის. ღონისძიების თარიღი: 10-15 ივნისი, 2018. აღმოსავლეთ სანაპიროს საინოვაციო ტურში მონაწილეობა შეუძლიათ ევროკავშირის წევრი ქვეყნებისა და ასოცირებული ქვეყნების მეწარმეებს, მკვლევარებს, კვლევის ორგანიზატორებსა და ჯგუფებს, რომლებიც დაინტერესებულნი არიან მოიძიონ ბაზრის ინფორმაცია, პარტნიორები, საინვესტიციო შესაძლებლობები და მიიღონ საპასუხო ინფორმაცია თავიანთი სამეცნიერო ინოვაციების შესახებ; აქტივობა საშუალებას იძლევა: გაეცნოთ აშშ-ის აღმოსავლეთ სანაპიროს ეკოსისტემას, რომელიც მხარს უჭერს ინოვაციებს; მიიღოთ უკუკავშირი თქვენს პროექტ(ებ)ზე, პროტოტიპებსა და ბიზნეს გეგმაზე; აღმოაჩინოთ დაფინანსების შესაძლებლობები აშშ-ში; შეხვდეთ პოტენციურ პარტნიორებს; უკეთ გაეცნოთ და შეაფასოთ აშშ-ში კვლევებისა და ინოვაციების ცენტრების ევროპული  ქსელის მუშაობას აშშ-ში. განაცხადის წარდგენის ბოლო ვადა: 2018 წლის 30 მარტი. დამატებითი ინფორმაციის სანახავად ეწვიეთ კონკურსის ვებგვერდს.   კვლევათა კავშირის სიმპოზიუმი ვაშინგტონში თარიღი: 2018 წლის 8 აგვისტო შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას სიმპოზიუმის შესახებ Research Connection Symposium (RCS), რომელიც გაიმართება 2018 წლის 8 აგვისტოს, ქ. ვაშინგტონში. სიმპოზიუმში მონაწილეობის მიღება შეუძლიათ ევროკავშირის წევრი ქვეყნებისა და ასოცირებული ქვეყნების მკვლევრებს, კვლევის მენეჯერებსა და ადმინისტრატორებს, კვლევით უნივერსიტეტებსა და მეცნიერების ეროვნულ აკადემიებს, რომლებიც დაინტერესებულნი არიან ითანამშრომლონ თავიანთ კვლევაზე ამერიკის მხარესთან. განაცხადის წარდგენის ბოლო ვადა: 2018 წლის 30 მარტი. დამატებითი ინფორმაციის სანახავად ეწვიეთ ვებგვერდს. კვლევის კომერციალიზაცია ინტენსიური კურსი თარიღი: 2018 წლის ოქტომბერი შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას, აშშ-ის კვლევებისა და ინოვაციების ცენტრების ევროპული ქსელის კვლევის კომერციალიზაციის ორ კვირიანი ინტენსიური კურსის შესახებ  აშშ-ში, რომელიც უზრუნველყოფს მონაწილეებს ბაზარზე განვითარების პერსპექტივით ამერიკის სხვადასხვა რეგიონში. ყველა მონაწილისათვის კურსი დაიწყება და დასრულდება ბოსტონში, სადაც ისინი გაივლიან „აშშ-ში ბიზნესის წარმოების“ შესავალ კურსს და გაივლიან კონსულტაციას ინოვაციების ადგილობრივ ექსპერტებთან. განაცხადის ბოლო ვადა: 2018 წლის 29 ივნისი-22:00 დამატებითი ინფორმაციის სანახავად ეწვიეთ კონკურსის ვებგვერდს.   Business to Business ინტენსიური კურსი თარიღი: 2018 წლის ოქტომბერი შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას აშშ-ში კვლევებისა და ინოვაციების ცენტრების ევროპული ქსელის ორ კვირიანი ინტენსიური კურსების შესახებ აშშ-ში, რომელიც უზრუნველყოფს მონაწილეებს ბაზარზე განვითარების პერსპექტივით ამერიკის სხვადასხვა რეგიონში. ყველა მონაწილისათვის კურსი დაიწყება და დასრულდება ბოსტონში, სადაც ისინი გაივლიან „აშშ-ში ბიზნესის წარმოების“ შესავალ კურსს და გაივლიან კონსულტაციას ინოვაციების ადგილობრივ ექსპერტებთან. განაცხადის ბოლო ვადა: 2018 წლის 29 ივნისი-22:00 დამატებითი ინფორმაციის სანახავად ეწვიეთ კონკურსის ვებ-გვერდს:   წინასწარი განცხადება 2018 წლის გაზაფხულის პროექტის წარდგენის ცერემონია შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას აშშ-ის კვლევებისა და ინოვაციების ცენტრების ევროპული ქსელის მიერ ორგანიზებულ ცერემონიაზე, სადაც ევროპელ მეწარმეებს, მკვლევარებს ან უნივერსიტეტების/კერძო ლაბორატორიების ტექნიკური ტრანსფერის ოფიციალურ წარმომადგენლებს შეუძლიათ წარმოადგინონ თავიანთი პროდუქტი, სერვისი ან ინტელექტუალური საკუთრება, აშშ-ში კვლევებისა და ინოვაციების ცენტრების ევროპული ქსელის 2018 წლის გაზაფხულის პროექტის წარდგენის ცერემონიაზე. შერჩეულ გამომგონებლებს ეძლევათ საშუალება შეხვდნენ სულ მცირე 30 სხვადასხვა კორპორაციის წარმომადგენლებსა და ინვესტორებს შემდეგი სფეროებიდან: ენერგეტიკისა და გარემოს, ჯანდაცვის ან თავდაცვისა და ეროვნული უსაფრთხოების სექტორებიდან. დამატებითი ინფორმაციისათვის, მონაწილე ინვესტორებისა და კორპორაციების და სხვა საკითხების შესახებ დეტალური ინფორმაციის მისაღებად ეწვიეთ კონკურსის ვებ-გვერდს.  
სრულად
http://rustaveli.org.ge/images/Anonsebi/imi_logo.png
05/03/2018 10:28

Innnovative Medicines Initiative-ის ვებინარი

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას Innovative Medicines Initiative (IMI2) - ის მიერ გამოცხადებული ვებინარის შესახებ. ვებინარის მიზანია, დაინტერესებულ პირებს მისცეს ინფორმაცია IMI -ის საგრანტო კონკურსების შესახებ. ვებინარი მოიცავს კითხვა-პასუხის რეჟიმსაც, ასევე წარმოდგენილი იქნება პრეზენტაციები IMI- ის ინტელექტუალური საკუთრების პოლიტიკის ირგვლივ. ვებინარი ჩანიშნულია 16 მარტიდან 5 აპრილის ჩათვლით. ინფორმაცია ვებინარისა და რეგისტრაციის განრიგის შესახებ ხელმისაწვდომია ბმულზე .
სრულად
http://rustaveli.org.ge/images/Anonsebi/XKIC%20Banner%20Ad.png
21/02/2018 10:29

ბიზნეს იდეების კონკურსი-EIT CROSS-KIC 2018

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას ბიზნეს იდეების კონკურსის შესახებ EIT CROSS-KIC 2018 . კონკურსის  მიზანია, მხარი დაუჭიროს დამწყებ მეწარმეებს  ბიზნეს იდეების განხორციელებაში შემდეგი მიმართულებების მიხედვით: საკვები, ჯანმრთელობა,  ნედლეული. კონკურსში მონაწილეობა შეუძლიათ ევროკავშირის წევრი სახელმწიფოების და  ასოცირებული ქვეყნების მოქალაქეებს. საუკეთესო ბიზნეს იდეა თითოეული მიმართულების მიხედვით დაჯილდოვდება 10 000 ევროთი. ბიზნეს იდეების შესახებ განაცხადის წარდგენის ბოლო ვადაა 2018 წლის 31 მარტი, 17:00 საათი ცენტრალური ევროპის დროით. დამატებითი ინფორმაციის მიღება შესაძლებელია შემდეგი საკონტაქტო პირებისგან: საკონტაქტო პირი EIT Food: Adam Strzelecki საკონტაქტო პირი EIT Health: Dora Marosvolgyi საკონტაქტო პირი EIT Raw Materials : Giorgio Recine დეტალური ინფორმაცია, გთხოვთ, იხილოთ ბმულზე .
სრულად