ფონდის აქტივობები
http://rustaveli.org.ge/images/NEWS/Embassy%20and%20SRNSF%20--%205.jpg
11/10/2018 09:52

აშშ-ის ჯანმრთელობის ეროვნული ინსტიტუტის (NIH) პროფესორის შემაჯამებელი ანგარიშის პრეზენტაცია

მიმდინარე წლის 10 ოქტომბერს, საქართველოში ამერიკის შეერთებული შტატების საელჩოში აშშ-ს ჯანმრთელობის ეროვნული ინსტიტუტის (NIH) პროფესორმა ლეონიდ მარგოლისმა წარადგინა შემაჯამებელი პრეზენტაცია. პროფესორი  მარგოლისი საქართველოს აშშ საელჩოს ერთ-ერთი პროგრამის- US Embassy Science Fellows Program ფარგლებში სტუმრობდა. ვიზიტის ფარგლებში, მან ერთი თვის განმავლობაში, გამართა სამუშაო შეხვედრები არამხოლოდ ფონდის წარმომადგენლებთან, არამედ სხვადასხვა წამყვან კვლევით ინსტიტუციებსა თუ ცენტრებთანაც. 10 ოქტომბერს გამართულ შემაჯამებელ შეხვედრას ესწრებოდნენ აშშ-ს საელჩოსა და შოთა რუსთაველის საქართველოს ეროვნული სამეცნიერო ფონდის წარმომადგენლები. პროფესორმა მარგოლისმა შეხვედრაზე წარადგინა თავისი ხედვა, რჩევები და  რეკომენდაციები ფონდისა და, ზოგადად,  მეცნიერების, ტექნოლოგიებისა და ინოვაციების სისტემის (STI System) განვითარების მიმართულებით საქართველოში. შეხვედრაზე დამსწრე საზოგადოებასთან ერთად, ასევე განხილულ იქნა ფონდსა და NIH-სა და საქართველო-აშშ-ს შორის შესაძლო სამომავლო სამეცნიერო თანამშრომლობის პერსპექტივებიც.
სრულად
http://rustaveli.org.ge/images/NEWS/IMG_2623.JPG
05/10/2018 17:29

სამუშაო შეხვედრა NCDC - ში

დღეს, 5 ოქტომბერს დაავადებათა კონტროლისა და საზოგადოებრივი ჯანმრთელობის ეროვნულ ცენტრში ჩატარდა გაცნობითი ხასიათის სამუშაო შეხვედრა შოთა რუსთაველის საქართველოს ეროვნული სამეცნიერო ფონდის წარმომადგენლებისა და აშშ-ის ჯანმრთელობის  ეროვნული ინსტიტუტის ( NIH)  პროფესორის, ლეონიდ მარგოლისის მონაწილეობით. პროფ. მარგოლისი  საქართველოს ეწვია ამერიკის შეერთებული შტატების საელჩოს ერთ-ერთი პროგრამის ფარგლებში - Embassy Science Fellows Programme. პროგრამა ითვალისწინებს აშშ-ის წამყვანი სამეცნიერო ცენტრის წარმომადგენლის ვიზიტს საქართველოში, კერძოდ შოთა რუსთაველის საქართველოს ეროვნული სამეცნიერო ფონდში, საქართველოს მეცნიერების, ტექნოლოგიებისა და ინოვაციის (STI) სისტემის გაცნობის, შესაბამისი რეკომენდაციების შემუშავების და  გაზიარების მიზნით. დაავადებათა კონტროლისა და საზოგადოებრივი ჯანმრთელობის ეროვნულ ცენტრში პროფ. მარგოლისს და ეროვნული სამეცნიერო ფონდის გენერალურ დირექტორს, ბატონ ზვიად გაბისონიას ცენტრის გენერალურმა დირექტორმა ბატონმა ამირან გამყრელიძემ და გენერალური დირექტორის მოადგილემ მეცნიერების დარგში, ლუგარის საზოგადოებრივი ჯანმრთელობის კვლევითი ცენტრის ხელმძღვანელმა, ბატონმა პაატა იმნაძემ გაუზიარეს ინფორმაცია ცენტრის ფარგლებში შესრულებული უნიკალური და მაღალი ხარისხის კვლევითი პროექტების, სამომავლო გეგმების და აშშ-ს მხარესთან წარმატებული თანამშრომლობის შესახებ.   
სრულად
http://rustaveli.org.ge/images/NEWS/IMG_2070.JPG
27/09/2018 16:45

ფონდის წარმატებულ გრანტიორთა პრეზენტაცია თემაზე: როგორ მივიღე გრანტი; როგორ ვახორციელებ გრანტს

მეცნიერებისა და ინოვაციების ფესტივალის ფარგლებში ,სსიპ შოთა რუსთაველის საქართველოს ეროვნულ სამეცნიერო ფონდში გაიმართა ფონდის წარმატებულ გრანტიორთა პრეზენტაცია თემაზე: როგორ მივიღე გრანტი; როგორ ვახორციელებ გრანტს.(HE, MG/GeoConf, H2020PG, , FR 2017, YS 2017, PhDF2017, Oxford GSP 2018, SCR.) წარმატებული პროექტების ხელმძღვანელებმა წარმოადგინეს პრეზენტაციები მათ მიერ წარმატებით განხორციელებული პროექტების შესახებ და აუდიტორიას გაუზიარეს საგრანტო წერისა და პროექტის წარმატებით განხორციელების შესახებ.
სრულად
http://rustaveli.org.ge/images/NEWS/IMG_1962.JPG
26/09/2018 16:46

საშუამავლო ღონისძიება -სსიპ შოთა რუსთაველის საქართველოს ეროვნული სამეცნიერო ფონდის მიერ სხვადასხვა კონკურსებში დაფინანსებული, წარმატებული, ახალგაზრდა მეცნიერების..

მეცნიერებისა და ინოვაციების ფესტივალის ფარგლებში, სსიპ შოთა რუსთაველის საქართველოს ეროვნულ სამეცნიერო ფონდში გაიმართა საშუამავლო ღონისძიება -სსიპ შოთა რუსთაველის საქართველოს ეროვნული სამეცნიერო ფონდის მიერ სხვადასხვა კონკურსებში დაფინანსებული, წარმატებული, ახალგაზრდა მეცნიერებისა და ზოგადსაგანმანათლებლო დაწესებულებების (საჯარო და კერძო სკოლების) უფროსკლასელების VIII-XI კლასელების შეხვედრა სამომავლო თანამშრომლობის ინიცირების მიზნით.
სრულად
http://rustaveli.org.ge/images/NEWS/20180922_121456.jpg
24/09/2018 16:50

მეცნიერებისა და ინოვაციების ფესტივალი 2018

22 სექტემბრიდან 1 ოქტომბრამდე განათლების, მეცნიერების, კულტურისა და სპორტის სამინისტროს ორგანიზებით იმართება მეცნიერებისა და ინოვაციების ფესტივალი 2018. 22 სექტემბერს ფესტივალი საზეიმოდ გაიხსნა სსიპ ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსის ეზოში.
სრულად
http://rustaveli.org.ge/images/NEWS/IMG_1896_1.JPG
24/09/2018 16:49

Clarivate Analytics -ის სემინარი

მეცნიერებისა და ინოვაციების ფესტივალის ფარგლებში სსიპ შოთა რუსთაველის საქართველოს ეროვნულ სამეცნიერო ფონდში გაიმართა Clarivate Analytics -ის სემინარი. • სემინარის თემა: ელექტრონული ბაზების მოხმარება და ფონდის პრეზენტაცია საქართველოს სამეცნიერო კვლევითი ინსტიტუციების სამეცნიერო პროდუქტიულობის შესახებ.
სრულად
http://rustaveli.org.ge/images/NEWS/IMG_1912.JPG
24/09/2018 16:48

საინფორმაციო შეხვედრა ევროპული კვლევების საბჭოს (ERC) შესახებ

მიმდინარე წლის 24 სექტემბერს, 15 სთ-ზე,  2018 წლის “მეცნიერებისა და ინოვაციის ფესტივალის“ ფარგლებში გაიმართა საინფორმაციო შეხვედრა ევროპული კვლევების საბჭოს (ERC) შესახებ. შეხვედრაზე ფონდის წარმომადგენლებმა დამსწრე საზოგადოებას გააცნეს ERC-ის ახალი სამუშაო პროგრამა (Work Programme 2019 ), წარადგინეს პრეზენტაცია ERC-ის მიმდინარე კონკურსების, ასევე ფონდის გეგმების შესახებ ჰორიზონტი 2020-ში საქართველოს მეცნიერთა ხელშესაწყობად და უპასუხეს შეკითხვებს. ERC არის ევროკავშირის კვლევისა და ინოვაციის ჩარჩო პროგრამა „ჰორიზონტი 2020“ -ის ერთ-ერთი კომპონენტი 13 მილიარდი ბიუჯეტით, რომელიც დაარსდა 2007 წელს, როგორც კვლევის დამფინანსებელი პირველი პანევროპული ორგანიზაცია, რომელიც საგრანტო სახსრებს მიმართავს მეცნიერების პერსპექტიული დარგების განვითარებისაკენ.  შოთა რუსთაველის საქართველოს ეროვნული სამეცნიერო ფონდის წარმომადგენლები არიან ევროპული კვლევების საბჭოს ეროვნული საკონტაქტო პირები საქართველოში. დეტალური ინფორმაცია ევროპული კვლევების საბჭოს შესახებ, შეგიძლიათ იხილოთ ვებგვერდზე.  
სრულად
http://rustaveli.org.ge/images/grantiorta%20aqtivobebi/IMG_1853_1.JPG
22/08/2018 11:29

„საქართველოში ინოვაციური მეთოდების შემუშავება ორგანულ მევენახეობაში“

სოფლის მეურნეობის სამეცნიერო-კვლევითი ცენტრის ორგანიზებით, ღვინის ეროვნულ სააგენტოში ბიომევენახეებთან შეხვედრა გაიმართა. ბიომევენახეებთან შეხვედრა შოთა რუსთაველის საქართველოს ეროვნული სამეცნიერო ფონდის პროექტის „საქართველოში ინოვაციური მეთოდების შემუშავება ორგანულ მევენახეობაში“ ფარგლებში გაიმართა. შეხვედრაზე ბიოწარმოებაზე გადასვლის, ბუფერული ზონების, ნიადაგის განაყოფიერების სისტემის, ბიოღვინის წარმოების, მავნებელ-დაავადებების რეგულირების საკითხები განიხილეს. შეხვედრაში მონაწილეობა სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ, შოთა რუსთაველის საქართველოს ეროვნული სამეცნიერო ფონდის გენერალური დირექტორის მოადგილემ, სოფიო უჩანეიშვილმა, ღვინის ეროვნული სააგენტოს თავმჯდომარის მოადგილემ, ლევან მეხუზლამ, ბიოსერტიფიცირების ორგანოს „კავკასსერტი“ დირექტორმა, დავით ბედოშვილმა და სხვა დაინტერესებულმა პირებმა მიიღეს. პროექტი „საქართველოში ინოვაციური მეთოდების შემუშავება ორგანულ მევენახეობაში“ 2016 წლიდან მიმდინარეობს. პროექტის ფარგლებში, საქართველოში პირველად, მეცნიერულად დამუშავდა ბიოყურძნის წარმოების სქემა. ორგანული მევენახეობის განვითარების ხელშეწყობისთვის, სოფლის მეურნეობის სამეცნიერო-კვლევითი ცენტრის თანამშრომლები კვლევას ორ, მკვეთრად განსხვავებულ კლიმატურ რეგიონში - კახეთსა და მთიან აჭარაში ახორციელებდნენ.
სრულად
http://rustaveli.org.ge/images/NEWS/IMG_1800.JPG
20/08/2018 12:21

მე-8 ქართულ-გერმანული სკოლა და სემინარი ფუნდამენტურ მეცნიერებებში

2018 წლის 20 აგვისტოს,  ივანე ჯავახიშვილის სახელობის თბილისის სახელმწიფო უნივერსიტეტში საზეიმოდ გაიხსნა  იულიხის კვლევითი ცენტრისა (გერმანია) და პარტნიორი ქართული უნივერსიტეტების (საქართველოს ტექნიკური უნივერსიტეტი, თბილისის სახელმწიფო უნივერსიტეტი, აგრარული უნივერსიტეტი და ილიას სახელმწიფო უნივერისტეტი) ერთობლივი, მე-8 ქართულ-გერმანული სკოლა და სემინარი ფუნდამენტურ მეცნიერებებში, რომელიც გაგრძელდება 25 აგვისტომდე. აღნიშნული ღონისძიება, არის შოთა რუსთაველის საქართველოს ეროვნული სამეცნიერო ფონდისა და გერმანიის იულიხის ცენტრის ერთობლივი მიზნობრივი პროგრამა. ღონისძიების თემატიკას წარმოადგენს "მეცნიერება საქართველოში  არსებულ მულტიდისციპლინარულ SMART|Lab - ებში . სკოლისა და სემინარის განმავლობაში აქცენტი გაკეთდება სამ ძირითად კომპონენტზე: ა) სიმეტრიები სუბატომურ ფიზიკაში, რომელიც მიეძღვნება საბუნებისმეტყველო მეცნიერებების ერთ-ერთ ფუნდამენტურ საკითხს: სამყაროში დამზერილ მატერიის დომინირების საკითხს ანტი მატერიაზე; ბ) ატმოსფერული კვლევები და მოდელირება, რომელიც დაკავშირებულია SMART|AtmoSim_Lab-თან; გ) ვიზუალიზაცია მედიცინის სფეროში და ბიო მარკერები. კონფერენციის მუშაობაში მონაწილეობას მიიღებენ ამაჩქარებლების, ნაწილაკთა ფიზიკის და ტექნოლოგიების მსოფლიო დონის ექსპერტები, რომლებიც სხვადასხვა საერთაშორისო კოლაბორაციების (JEDI, Borexino, JUNO, PAX) წევრები არიან. კონფერენციის მუშაობა ითვალისწინებს ამ სფეროებში არსებული მიღწევების შეჯამებას და მოხდება ორ ქვეყანას შორის მეცნიერებისა და ტექნოლოგიების მიმართულებით სამომავლო თანამშრომლობის გზების დასახვა. ამასთან ერთად, ბაკალავრიატის, მაგისტრატურის და დოქტორანტურის სტუდენტებისთვის ჩატარდება თემატური სალექციო კურსები საბუნებისმეტყველო და საინჟინრო მეცნიერებებში, მოეწყობა პოსტერების სესია. შეირჩევიან სხვადასხვა მიმართულების (ფიზიკა, მათემატიკა, ქიმია, ბიოლოგია, საინჟინრო ტექნოლოგიები) საუკეთესო სტუდენტები იულიხის კვლევით ცენტრში სტაჟირების გასავლელად.                      
სრულად
http://rustaveli.org.ge/images/NEWS/IMG_1765.JPG
07/08/2018 16:47

საკონსულტაციო შეხვედრა

2018 წლის 7 აგვისტოს, 16:00 საათზე, შოთა რუსთაველის საქართველოს ეროვნულ სამეცნიერო ფონდის საკონფერენციო დარბაზში, გაიმართა გამოყენებითი კვლევებისათვის სახელმწიფო სამეცნიერო გრანტების 2018 წლის კონკურსის საკონსულტაციო შეხვედრა. საკონსულტაციო შეხვედრაზე მოსულ საზოგადოებას განემარტა საგრანტო კონკურსის წესი, პირობები და კონკურსის კოორდინატორებმა  უპასუხეს მათ შეკითხვებს.
სრულად