რუსთაველის ფონდის ტრენინგ ცენტრი
ტრენინგ ცენტრის დანიშნულებაა, ფონდის განვითარების სტრატეგიული გეგმის შესაბამისად, ხელი შეუწყოს ქვეყნის სამეცნიერო პოტენციალის ზრდას, მეცნიერთა კვლევითი უნარ-ჩვევების განვითარებას, მეცნიერების პოპულარიზაციასა და ინტერნაციონალიზაციას, წამყვანი საერთაშორისო ორგანიზაციებიდან/სამეცნიერო ფონდებიდან ტრენერების ჩამოყვანის, საქართველოს სამეცნიერო წრეების საერთაშორისო პროექტებში მონაწილეობისა და საერთაშორისო სამეცნიერო ქსელში ინტეგრირების ხელშეწყობის გზით.
ტრენინგ ცენტრის მიზნები და ამოცანები:
- საკონსულტაციო შეხვედრებისა და ტრენინგ-მოდულების შემუშავება, განხორციელება, დანერგვა, მონიტორინგი და შეფასება;
- ქართველი მეცნიერებისათვის საკონსულტაციო მომსახურების უზრუნველყოფა სამეცნიერო ფონდების მოძიების, საგრანტო პროექტების მომზადების, პროექტების მართვის მიზნით;
- ტრენინგ ცენტრის კომპეტენციის ფარგლებში, საქართველოს განათლების, მეცნიერების, კულტურისა და სპორტის სამინისტროსთან, სხვა სამთავრობო და არასამთავრობო დაწესებულებებთან ურთიერთობა;
- ტრენინგ ცენტრის კომპეტენციის ფარგლებში, გამოცდილების გაზიარებისა და თანამშრომლობის გაღრმავების მიზნით, საერთაშორისო ორგანიზაციებთან/ფონდებთან ურთიერთობა;
- ტრენინგ ცენტრის საქმიანობის წლიური ანგარიშის წარდგენა ფონდის გენერალური დირექტორისათვის;
ტრენინგ ცენტრის ფუნქციები:
- საპროექტო განაცხადის მომზადების, პროექტების ეფექტური მართვის მიზნით, საკონსულტაციო შეხვედრებისა და ტრენინგების ორგანიზება;
- ეროვნული და საერთაშორისო ფონდების საგრანტო კონკურსების შესახებ საინფორმაციო შეხვედრების ორგანიზება;
- საერთაშორისო პარტნიორი ორგანიზაციების (ფონდები, კომპანიები და ა.შ.) მუშაობის პრინციპების, პრიორიტეტების, შეფასების კრიტერიუმების, დაფინანსების სქემებისა და საგრანტო კონკურსების შესახებ ინფორმაციის მიწოდება სამეცნიერო საზოგადოებისათვის;
- საერთაშორისო საგრანტო კონკურსებისათვის საპროექტო წინადადებების მომზადებასთან დაკავშირებული კონსულტაციების ჩატარება;
- საერთაშორისო საგრანტო პროექტების მომზადება-განხორციელებისთვის საკონსულტაციო შეხვედრების ორგანიზება პარტნიორი ორგანიზაციების წარმომადგენელთა თანამონაწილეობით;
- გასვლითი ტრენინგების ორგანიზება რეგიონების უმაღლეს საგანმანათლებლო დაწესებულებებში, სამეცნიერო - კვლევით ინსტიტუტებსა და დამოუკიდებელ კვლევით ცენტრებში;
საკონტაქტო პირი:
ნინო გოგაძე
რუსთაველის ფონდის ტრენინგ ცენტრის მენეჯერი
2 200 220 (4409)
