შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას ევროპული კვლევების საბჭოს (ERC) Synergy გრანტის ფარგლებში დაფინანსებული პროექტების შესახებ. აღნიშნული გრანტით დაფინანსებული პროექტების კვლევითი თემატიკა შეეხება: კიბოს განკურნებას, კლიმატის ცვლილებასთან დაკავშირებული პრობლემების გადაჭრასა და სხვა სამეცნიერო მოწოდებებს.

ERC Synergy Grant წარმოადგენს ევროპული კვლევების საბჭოს საგრანტო სქემას, რომლის მიზანია მაღალი ხარისხის სამეცნიერო კვლევის განხორციელება რომლებიც ითვალისწინებენ  2-4 სამეცნიერო ხელმძღვანელის და მათი სამეცნიერო ჯგუფების კოორდინირებულ მუშაობას.

2019 წლის კონკურსში 37 კვლევითი ჯგუფი მიიღებს დაფინანსებას. ჯამში 363 მლნ ევროს ღირებულების დაფინანსება საშუალებას აძლევს 2-4 კვლევის ხელმძღვანელს დააკომპლექტონ ერთიანი კვლევითი ჯგუფი და განახორციელონ მაღალი ხარისხის სამეცნიერო კვლევა.

ევროპული კვლევების საბჭოს Synergy grant - ის ფარგლებში დაფინანსებული პროექტების ჩამონათვალი ხელმისაწვდომია ვებგვერდზე.

დამატებითი ინფორმაციისთვის გთხოვთ ეწვიოთ ევროპული კვლევების საბჭოს ვებსაიტს.