პრეზენტაცია ფონდის მიერ დაფინანსებული პროექტის ფარგლებში
5 ივლისს, ივანე ჯავახიშვილის სახელობის თბილისის სახელმწიფო უნივერსიტეტში გაიმართა შოთა რუსთაველის საქართველოს ეროვნული სამეცნიერო ფონდის 2021 წლის კავკასიოლოგიის მიმართულებით სამეცნიერო კვლევითი პროექტების ხელშეწყობისა და საერთაშორისო სამეცნიერო ღონისძიებების საგრანტო კონკურსში გამარჯვებული პროექტის „ქართული სულიერი და მატერიალური კულტურა ჩრდილოეთ კავკასიაში — მონაცემთა ბაზა ქართულ, ინგლისურ და რუსულ ენებზე“ კვლევის შედეგების პრეზენტაცია.
კვლევის შედეგები წარმოადგინეს პროექტის ხელმძღვანელმა, პროფესორმა ცირა ბარამიძემ, ხელოვნებათმცოდნეობის დოქტორმა, ეთნომუსიკოლოგმა გიორგი კრავეიშვილმა, თსუ-ს ასოცირებულმა პროფესორმა, ღვთისო მამისიმედიშვილმა, პროექტის მონაწილე მეცნიერმა, ინგუშეთის ახრიევის სახელობის სამეცნიერი-კვლევითი ინსტიტუტის წარმომადგენელმა, ბორის ხარსიევმა. აღინიშნა, რომ პროექტის ფარგლებში დამუშავდა და აღირიცხა დიდძალი საკვლევი მასალა, ექსპონატები, ძეგლები, რის საფუძველზეც შეიქნება ფართო მონაცემთა ბაზა,
„პროექტის „ქართული სულიერი და მატერიალური კულტურა ჩრდილოეთ კავკასიაში — მონაცემთა ბაზა ქართულ, ინგლისურ და რუსულ ენებზე“ მიზანია სრულყოფილად აღიწეროს ჩრდილოეთ კავკასიაში არსებული ქართული მატერიალური და სულიერი კულტურის ძეგლები, შესწავლილ იქნეს ამ ძეგლების ჩრდილოეთ კავკასიაში არსებობის ისტორიული, პოლიტიკური, კულტურული და სოციალური მიზეზები. ჩრდილოეთ კავკასიაში დასტურდება არა მარტო ქართული ქრისტიანული კულტურის ძეგლები, არამედ სხვა სახის კულტურული მემკვიდრეობაც ქართული კულტურისა (ეპიგრაფიკა, წარწერები, ქართული ეთნოტოპონიმიკა, ქართული ისტორიოგრაფიული მასალები, ქართული ფოლკლორული მასალა, ქართული მუსიკალური ფოლკლორი და საგალობლები, აგრეთვე ქართული მატერიალური კულტურის ექსპონატები, დაცული ჩრდილო კავკასიის რესპუბლიკების მუზეუმებსა და არქივებში, ასევე ღია სივრცეში).
.