ტრენინგი „EURAXESS პორტალი მკვლევრებისთვის”
31 იანვარს, შოთა რუსთაველის საქართველოს ეროვნულ სამეცნიერო ფონდში EURAXESS - საქართველოს პროექტის ფარგლებში, ჩატარდა ტრენერთა ტრენინგი თემაზე: „EURAXESS- პორტალი მკვლევრებისთვის.“ პრეზენტაცია „EURAXESS-ის პორტალი- ფუნქციები და გამოყენება“ ეხებოდა პორტალის მნიშვნელობას და მიზნებს, სერვისებს, მკვლევრების მობილობისა და კარიერული განვითარების საკითხებს, მათი უფლებების დაცვას და ა.შ. უნივერსიტეტებისა და სამეცნიერო-კვლევითი ცენტრების წარმომადგენლებს გააცნეს ინფორმაცია EURAXESS-ის პორტალზე მკვლევრის რეგისტრაციის შესახებ, იმ ფართო შესაძლებლობებზე, რომელიც მასზე წვდომის შედეგად ეძლევათ მეცნიერებს.
ტრენინგს წარმართავდნენ რუსთაველის ფონდის სამეცნიერო დეპარტამენტის წარმომადგენლები სალომე შარაშენიძე და ლანა დავითულიანი.
