რუსთაველის ეროვნული სამეცნიერო ფონდის წარმომადგენლების სამუშაო ვიზიტი ავსტრიაში Twinning პროექტის ფარგლებში
შოთა რუსთაველის საქართველოს ეროვნული სამეცნიერო ფონდის გენერალურმა დირექტორმა, ერეკლე ასტახიშვილმა და ფონდის სხვა წარმომადგენლებმა, ევროკავშირის TWINNING პროექტის - „ინტერსექტორული თანამშრომლობის შესაძლებლობის მხარდაჭერა კვლევასა და ინდუსტრიას შორის“ - ფარგლებში, სამუშაო შეხვედრა გამართეს ავსტრიის კვლევების განვითარების სააგენტოსა და ავსტრიის ეროვნული სამეცნიერო ფონდის ხელმძღვანელებთან. შეხვედრაზე მიმოიხილეს სამეცნიერო ფონდების სტრუქტურისა და მართვის საკითხები. ასევე იმსჯელეს „ინოვაციური ვაუჩერის" საგრანტო კონკურსის განვითარებაზე; განიხილეს უმაღლეს სასწავლებლებს, კვლევით ცენტრებს, კერძო სექტორსა და სხვა შესაბამის დაინტერესებულ მხარეებს შორის ინსტიტუციური თანამშრომლობის გაძლიერების რეკომენდაციები.