გაცნობებთ, რომ სახელმწიფო ენის სტრატეგიის 2023-2024 წლების სამოქმედო გეგმის ფარგლებში სახელმწიფო ენის დეპარტამენტი საჯარო სამსახურში დასაქმებული რედაქტორებისათვის ატარებს ტრენინგს ახალი სალიტერატურო ნორმების მიღების, მათი დანერგვისა და გამოყენების მიზნით.

    ტრენინგზე განსახილველი საკითხები:

1. უცხოური ენების ბგერითი სისტემების ქართულ ენაზე ტრანსკრიფცია-ტრანსლიტერაციის ძირითადი კრიტერიუმები;
2. სახელმწიფო ენის დეპარტამენტის მიერ მომზადებული სხვა ენების ბგერითი სისტემების ქართულ ენაზე ტრანსკრიფცია-ტრანსლიტერაციის სახელმძღვანელო წესები;
3. უცხოური საკუთარი სახელების ქართულ ენაზე დაწერილობის საკითხები;
4. ქართული საკუთარი სახელების უცხოურ ენებზე დაწერილობის საკითხები;
5. სალიტერატურო ენის სხვა განახლებული ნორმები; 
6. ოფიციალური დოკუმენტაციის სტილისტიკის საკითხები.

 

    ტრენინგი გაიმართება მიმდინარე წლის 14  და 16 თებერვალს.

    გთხოვთ, დაავალოთ თქვენდამი დაქვემდებარებულ უწყებებს, აღნიშნული კითხვარი გააცნონ სამინისტროებსა და მათ სსიპ-ებში დასაქმებულ  რედაქტორ-კორექტორებს.

 

    რეგისტრაციისათვის გთხოვთ, შეავსოთ ბმული:  

https://docs.google.com/forms/d/e/1FAIpQLSev9tQfBDS_jpnnOWiBHvffbGDmmdOQf7PRDiy_DhMF67oIEQ/viewform