11 მაისს, საქართველოს უნივერსიტეტში შოთა რუსთაველის საქართველოს ეროვნული სამეცნიერო ფონდის 2019 წლის  ევროპული კვლევების საბჭოს (ERC) გრანტის სამეცნიერო ხელმძღვანელთან საქართველოს მკვლევართა სამეცნიერო სტაჟირების კონკურსის გამარჯვებულმა,   ფსიქოანთროპოლოგმა, დოქტორმა  დიმიტრი ჩუბინიძემ  პროექტის „ფსიქიკა-სხეულის შეხება: ექსტროსპექტული დიგიტალური შეხებით კომუნიკაცია“ ფარგლებში ჩაატარა საჯარო ლექცია „InTouch კომუნიკაცია ციფრული შეხებით“. დიმიტრი ჩუბინიძე პოსტსადოქტორო კვლევას ახორციელებს ევროპული კვლევების საბჭოს კონსოლიდატორ პროექტში, ლონდონის საუნივერსიტეტო კოლეჯში; მისი ინტერესის სფეროს წარმოადგენს კოლაბორაციული კვლევა სოციალურ და ქცევით მეცნიერებებში, განსაკუთრებული ფოკუსით ადამიანი-ბიოტექნოლოგიის ინტერაქციასა და კულტურულ კოგნიციაზე. ფონდის გრანტიორმა ისაუბრა InTouch -ის  გამოწვევებზე - ციფრული შეხების ინოვაციებსა და განვითარებაზე, სოციალური მეცნიერების პერსპექტივაზე, მიზნებზე- კომპლექსური კვლევითი არეალის შემოსაზღვრაზე,  ციფრული შეხების სოციალური ბუნებისა და გავლენების შესწავლასა და  შეხების ახალი თეორიებისა და მეთოდების შემუშავებაზე, სხვა მნიშვნელოვან საკითხებზე.

იხილეთ პრეზენტაცია