21 თებერვალს საქართველოს აგრარული უნივერსიტეტის მცირე საკონფერენციო დარბაზში გაიმართა, შოთა რუსთაველის საქართველოს ეროვნული სამეცნიერო ფონდის მიერ დაფინანსებული ფუნდამენტური გრანტების კონკურსის FR-19-363 პროექტის „აგრარული სამუშაოების გავლენა ნიადაგის მიკროართროპოდების არასამიზნე ფაუნაზე“ შედეგების შემაჯამებელი პრეზენტაცია.

კვლევის შედეგების და პროექტის მიმდინარეობის შესახებ ისაუბრა პროექტის ხელმძღვანელმა - მაკა მურვანიძემ. პრეზენტაციას ესწრებოდნენ პროექტის მონაწილეები, ენტომოლოგიის, სატყეო და მცენარეთა დაცვის ინსტიტუტების თანამშრომლები, სტუდენტები. პრეზენტაციის დასრულების შემდეგ გაიმართა კითხვა-პასუხი, რომლის დროსაც მოხდა შედეგების დაზუსტება, გამოცდილების გაზიარება და სამომავლო გეგმების დასახვა.