ააიპ საქართველოს კულტურისა და ტურისტული რესურსების კვლევის ცენტრის სამეცნიერო ჯგუფმა,  ჩუბინაშვილის ცენტრში, ისტორიულ მესხეთში, 2024 წელს განხორციელებული საკვლევი ექსპედიციების ანგარიშები წარუდგინა საზოგადოებას.

ააიპ საქართველოს კულტურისა და ტურისტული რესურსების კვლევის ცენტრის მკვლევართა ჯგუფმა, 2024 წელს ხუთი საკვლევი ექსპედიცია ჩაატარა ისტორიულ ჯავახეთში (ახალქალაქი, ნინოწმინდა), საექსპედიციო პერიოდმა, ჯამში 60 დღეს გადააჭარბა.

ექსპედიციამ აღწერა ამ მუნიციპალიტეტებში არსებული 218- ზე მეტი სოფელი და ნასოფლარი, 800- მდე კულტურის ძეგლი და არტეფაქტი. მათ შორის: ეკლესიები, მონასტრები, ციხე-კოშკები, დარნები, მღვიმეები, ცალკეული არტეფაქტები (ქვაჯვრები, ორნამენტიანი ქვები, რელიეფები, და სხვა). ექსპედიციამ ათობით ნასოფლარის ლოკალიზება და იდენტიფიცირება შეძლო. ყოველ სოფელზე, ნასოფლარზე და კულტურის ძეგლზე შეიქმნა აღწერილობითი ტექსტები, ზუსტი კოორდინატები, ცალკეულ ძეგლთა ანაზომები, შეიქმნა ვრცელი ფოტოარქივი. ექსპედიციის შედეგებმა თავი მოიყარა მესხეთის კულტურის ძეგლების 2024 წლის საკვლევი ექსპედიციების შესახებ წიგნში, რომელიც პროექტის ჯგუფმა საზოგადოებას წარუდგინა.

პროექტი ხორციელდება შოთა რუსთაველის ეროვნული სამეცნიერო ფონდის ფინანსური მხარდაჭერით, რომელიც გულისხმობს მესხეთის კულტურის ძეგლების სრულ აღნუსხვას და 2026 წლისთვის, კატალოგის სახით გამოცემას.

პროექტის ჯგუფი, ამჟამად, ისტორიულ თორში მუშაობს, საკვლევი ექსპედიციების ყოველდღიური შედეგები კი ორგანიზაციის ფეისბუქ გვერდზე განთავსდება, რათა საზოგადოებამ ყოველდღიურად მიიღოს ინფორმაცია ექსპედიციის მუშაობის და სიახლეების შესახებ.