საქართველოს ტექნიკური უნივერსიტეტის ენერგეტიკის ფაკულტეტის პროფესორის, მაკა ჯიშკარიანის სამეცნიერო ნაშრომი ,,საქართველოს წრიულ ეკონომიკაზე მოქმედი ენერგეტიკული და ეკონომიკური ფაქტორები’’ SPRINGER - ში გამოქვეყნდა
- წიგნის სახელწოდებაა ,,წრიული ეკონომიკა: გლობალური პერსპექტივის უახლესი ტენდენციები/Circular Economy: Recent Trends in Global Perspective’’.
- შედგება 17 თავისგან, სადაც წარმოდგენილია დასავლეთ და აღმოსავლეთ ევროპის, აზიის, აფრიკის და ლათინური ამერიკის ქვეყნების წრიული ეკონომიკის თანამედროვე ტენდენციები.
- წიგნის მე-11 თავის სახელწოდებაა: საქართველოს წრიულ ეკონომიკაზე მოქმედი ენერგეტიკული და ეკონომიკური ფაქტორები/ Energy and Economic Indicators Influencing Circular Economy in Georgia - ავტორები: მაკა ჯიშკარიანი (საქართველოს ტექნიკური უნივერსიტეტი, თბილისი, საქართველო), სადჰან კუმარ გოში (ჯადავპურის უნივერსიტეტი, კალკუტა, ინდოეთი) და ხათუნა დიდბარიძე (დამოუკიდებელი ექსპერტი, თბილისი, საქართველო).
- ნაშრომში აღნიშნულია, რომ წრიული ეკონომიკის კონცეფცია ეფუძნება რესურსების უფრო მდგრად და ეფექტურ გამოყენებას ეკონომიკის სხვადასხვა სექტორში და წრიული ეკონომიკის მოდელის დანერგვა მჭიდრო კავშირშია ქვეყნის ენერგეტიკულ უსაფრთხოებასთან.
- კვლევა მოიცავს ენერგო და ნახშირბადინტენსივობის ეროვნული ინდიკატორების, საკანონმდებლო აქტებისა და სტრატეგიული დოკუმენტების ანალიზს ენერგეტიკის, გარემოს დაცვის, ნარჩენების მართვის სფეროებში, რაც პირდაპირ გავლენას ახდენს წრიული ეკონომიკის მოდელის ათვისებასა და ევოლუციაზე.
- წიგნის რედაქტორი და ნაშრომის თანაავტორია წრიული ეკონომიკის და ნარჩენების მართვის სფეროში საყოველთაოდ აღიარებული ინდოელი პროფესორი სადჰან კუმარ გოში.
- მაკა ჯიშკარიანის აკადემიური საქმიანობის კონცეპტუალური გეგმა პასუხობს საუნივერსიტეტო საქმიანობის ინტერნაციონალიზაციას, როცა უზრუნველყოფილია საერთაშორისო აკადემიური საზოგადოების მიერ ახალი ცოდნის და პრაქტიკის გაზიარება.
- სამეცნიერო ნაშრომის სანახავად ეწვიეთ ბმულს: https://doi.org/10.1007/978-981-16-0913-8
- Jishkariani M., Ghosh S.K., Didbaridze K. (2021) Energy and Economic Indicators Influencing Circular Economy in Georgia. In: Ghosh S.K., Ghosh S.K. (eds) Circular Economy: Recent Trends in Global Perspective. Springer, Singapore. https://doi.org/10.1007/978-981-16-0913-8_11
