როგორც თქვენთვის ცნობილია, 2022 წლის ფუნდამენტური კვლევების სახელმწიფო სამეცნირო გრანტების კონკურსზე მონაწილე პროექტების შეფასება ხორციელდება ევროპის სამეცნიერო ფონდის მიერ (European Science Foundation – Science Connect, ESF-SC). პროექტების შეფასება ხორციელდება 3 ეტაპად:

1. თითოეული პროექტი შეფასდება დამოუკიდებელი ექსპერტების მიერ;

2. დამოუკიდებელ ექსპერტთა შეფასების გაცნობა და განმარტებითი/დამაზუსტებელი პასუხის მომზადება (ე.წ. Rebuttal) კონკურსის მონაწილეების მიერ (სურვილის შემთხვევაში);

3. ექსპერტთა ჯგუფების (პანელების) მიერ პროექტების განხილვა და საბოლოო შეფასება დამოუკიდებელ ექსპერტთა მოხსენებებისა და აპლიკანტის განმარტებითი / დამაზუსტებელი პასუხების (ასეთის არსებობის შემთხვევაში) გათვალისწინებით.

გაცნობებთ, რომ 2022 წლის 14 ნოემბრიდან 21 ნოემბრამდე კონკურსანტებს გაეხსნებათ შესაძლებლობა, გაეცნონ დამოუკიდებელი ექსპერტების დასკვნებს და მოამზადონ განმარტებითი/ დამაზუსტებელი პასუხი.

კონკურსში მონაწილე პროექტის ხელმძღვანელებს გთხოვთ, აკონტროლოთ თქვენი ელ-ფოსტა, რომელიც მიუთითეთ პროექტის რეგისტრაციისას გრანტების მართვის ერთიან სისტემაში (GMUS). სწორედ ამ ელ. ფოსტაზე თქვენ მიიღებთ ოფიციალურ წერილს შემფასებელი ორგანიზაციისაგან (ESF-SC), რომელშიც მითითებული იქნება შეფასების პორტალის ბმული და ექსპერტთა დასკვნებზე წვდომისათვის საჭირო კონფიდენციალური ინფორმაცია.

ასევე გაცნობებთ, რომ შეფასების ამ ეტაპის შესახებ საინფორმაციო შეხვედრას ფონდი ჩაატარებს 9 და 10 ნოემბერს, 16:00 საათზე.

ონლაინ საინფორმაციო შეხვედრის ბმულს მიიღებთ ელ.ფოსტით.