27 მაისს, შოთა რუსთაველის საქართველოს ეროვნული სამეცნიერო ფონდის გენერალური დირექტორი ზვიად გაბისონია და ამავე ფონდის საერთაშორისო ურთიერთობების და  ფონდების  მოზიდვის სამსახურის უფროსი რუსუდან ჯობავა,  ევროკომისიის მიერ ორგანიზებულ ვირტუალურ შეხვედრას: "Science, Research and Innovation Performance of the EU 2020" დაესწრნენ.

ვიდეო-კონფერენცია ევროკომისიის კვლევისა და ინოვაციის მიმართულების გენერალურმა დირექტორმა ჟან-ერიკ პაკემ გახსნა.

ღონისძიება წარიმართა მოხსენებებისა და პანელური დისკუსიების ფორმატში, ხოლო თემატიკა მოიცავდა ევროპის კვლევისა და ინოვაციის სივრცეში მიმდინარე მდგომარეობისა და დინამიკას პოსტ covid – 19 გავრცელების პერიოდში.  

აღნიშნული ღონისძიების მოდერატორია ევროკომსარი ინოვაციის, კვლევის, კულტურის, განათლებისა და ახალგაზრდობის მიმართულებით - მარია გაბრიელი და ევროკომისიიდან კვლევისა და ინოვაციის გენერალური დირექტორი -   ჟან - ერიკ  პაკე. ღონისძიება ასევე მოიცავს ინოვაციებისა და კვლევების მიმართულებით წამყვანი მომხსენებლების გამოსვლას სხვადასხვა თემატიკასთან დაკავშირებით.

ვირტუალური შეხვედრის ფარგლებში, დისკუსიის თემატიკა განიხილავდა  შემდეგ მიმართულებებს:

• კვლევისა და ინოვაციის დინამიკა პოსტ covid – 19 პერიოდში;
• კვლევისა და ინოვაციის ტრანსფორმაცია twin transition პროცესში;

 

დეტალური ინფორმაციისთვის, გთხოვთ, ეწვიოთ ევროკომისიის ვებგვერდს.