2019 წლის 22 თებერვალს, შოთა რუსთაველის საქართველოს ეროვნული სამეცნიერო ფონდის გენერალური დირექტორი ზვიად გაბისონია და გენერალური დირექტორის მოადგილე ჯაბა სამუშია გორის სახელმწიფო სასწავლო უნივერსიტეტის რექტორს ალექსანდრე მღებრიშვილს, რექტორის მოადგილეს გიორგი სოსიაშვილს, აკადემიურ პერსონალსა და დაწესებულების სხვა წარმომადგენლებს შეხვდნენ.

აღნიშნული ვიზიტი აკადემიური სფეროს წარმომადგენელთათვის, განათლების რეფორმის ფარგლებში, მეცნიერების მიმართულებით არსებული მდგომარეობის, გამოწვევებისა და სამომავლო პერსპექტივების გაცნობას ემსახურება.

ფონდის დირექტორმა დამსწრე აუდიტორიას გააცნო  მეცნიერების მიმართულებით დაგეგმილი ცვლილებები. წარადგინა ფონდის ახალი პროექტები და ინიციატივები, რომელთა განხორციელება იგეგმება 2019 წელს.