გამოცხადდა  „2025 წლის დოქტორანტურის საგანმანათლებლო პროგრამების დაფინანსების კონკურსის“ შედეგები!

"2025 წლის დოქტორანტურის საგანმანათლებლო პროგრამების დაფინანსების კონკურსზე” სულ დარეგისტრირდა 179 საკონკურსო განაცხადი.

ფონდის კანცელარიაში, ვადების დაცვით (12/08/2025, 18:00 სთ.) „განცხადება კონკურსში მონაწილეობის შესახებ“ შემოვიდა 173 პროექტზე.

კონკურსზე წარმოდგენილმა პროექტებმა გაიარა ტექნიკური ექსპერტიზა და შეფასების ეტაპზე გადავიდა 154 პროექტი.

კონკურსში მონაწილე 154 პროექტი შეფასდა დამოუკიდებელ ექსპერტთა ჯგუფების მიერ საქართველოს განათლებისა და მეცნიერების მინისტრის 2014 წლის 30 სექტემბრის №128/ნ ბრძანებით დამტკიცებული შეფასების კრიტერიუმების შესაბამისად.

დამოუკიდებელ ექსპერტთა ჯგუფების მიერ წარმოდგენილ შეფასებებზე დაყრდნობით, გამარჯვებულების გამოვლენა მოხდა „2025 წლის დოქტორანტურის საგანმანათლებლო პროგრამების დაფინანსების კონკურსში მონაწილე პროექტებისათვის საბოლოო ქულის დაანაგარიშების, სამეცნიერო მიმართულებებში თანხის განაწილებისა და დაფინანსების წესის“ დამტკიცების შესახებ შოთა რუსთაველის საქართველოს ეროვნული სამეცნიერო ფონდის გენერალური დირექტორის 2025 წლის 2 ივლისის N96 ბრძანების შესაბამისად. დასაფინანსებლად შეირჩა 39 პროექტი.

იხილეთ ფონდის გენერალური დირექტორის 2025 წლის 27 ნოემბრის N205 ბრძანება გამარჯვებული პროექტების დამტკიცების შესახებ.

კონკურსის მონაწილეებს საკუთარი პროექტების შეფასების გაცნობა შეეძლებათ 1 დეკემბრიდან გრანტების მართვის ერთიან სისტემაში (GMUS).

გთხოვთ მიაქციოთ ყურადღება, რომ ფონდის გენერალური დირექტორის N205  ბრძანების მიხედვით წარმოსადგენ ცნობაში „2025 წლის შემოდგომის სემესტრში სტუდენტის აქტიური სტატუსის“ შესახებ აუცილებლად იყოს მითითებული სტუდენტის აქტიური სტატუსი!