მიმდინარე წლის მარტის ბოლოს სსიპ – შოთა რუსთაველის საქართველოს ეროვნული სამეცნიერო ფონდი გამოაცხადებს „სსიპ – შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის (DAAD) ერთობლივი RUSTAVELI-DAAD-ის სასტიპენდიო პროგრამის საგრანტო კონკურსს“.

საგრანტო კონკურსის ფარგლებში დაფინანსდება პროექტები, რომლებიც ითვალისწინებს:

· ახალგაზრდა მეცნიერების (პოსტდოქტორანტების)

· დოქტორანტების

· ერთობლივი სადოქტორო პროგრამების დოქტორანტების

სტაჟირებას გერმანიის უმაღლეს საგანმანათლებლო დაწესებულებებსა ან/და კვლევით ინსტიტუტებში.

საპროექტო განაცხადის ტიპი: ინდივიდუალური

საგრანტო კონკურსი მოიცავს DAAD-ის კლასიფიკატორის შემდეგ სამეცნიერო მიმართულებებს:

ა) ენები და კულტურის კვლევები;

ბ) სამართალი, ეკონომიკა და სოციალური მეცნიერებები;

გ) მათემატიკა და საბუნებისმეტყველო მეცნიერებები;

დ) მედიცინა;

ე) ვეტერინარული მედიცინა, მეტყევეობა, ეკოლოგია, აგრარული და კვების მეცნიერებები;

ვ) ინჟინერია;

ზ) ხელოვნების, მუსიკისა და სპორტის მეცნიერებები.

 

გთხოვთ გაითვალისწინოთ, რომ 2026 წლის მარტის ბოლოს, კონკურსის ოფიციალურად გამოცხადებასთან ერთად გამოქვეყნდება კონკურსში მონაწილეობის მისაღებად წარსადგენი დოკუმენტაციის ჩამონათვალი და შესაბამისი ფორმები.

 

ფონდი გისურვებთ წარმატებებს!