მათემატიკის 61-ე საერთაშორისო ოლიმპიადისთვის შესარჩევი ტურები
27- 28 ივლისს, კომაროვის თბილისის ფიზიკა-მათემატიკის 199-ე საჯარო სკოლაში განათლების, მეცნიერების, კულტურისა და სპორტის სამინისტროს ინიციატივით და შოთა რუსთაველის საქართველოს ეროვნული სამეცნიერო ფონდის ადმინისტრირებით გაიმართა 2020 წლის მათემატიკის 61-ე საერთაშორისო ოლიმპიადისთვის (IMO 2020) საქართველოს ნაკრები გუნდის შესარჩევი პირველი და მეორე ტურები, რომლებშიც 80-მდე მოსწავლე მონაწილეობდა. საერთაშორისო ოლიმპიადა დისტანციურ რეჟიმში 21-22 სექტემბერს ჩატარდება.