მიმდინარე წლის 15-16 დეკემბერს გაიმართა  ევროკავშირის კვლევისა და ინოვაციის ჩარჩო პროგრამის „ჰორიზონტი 2020“-ის ფარგლებში დაფინანსებული პროექტ „CALIPER“-ის, მმართველი გუნდის რიგით მეორე შეხვედრა.

CALIPER მიზნად ისახავს ფონდსა და საქართველოს ინსტიტუციებში გენდერული თანასწორობის სამომავლო უზრუნველყოფას, ქალი მკვლევრების რაოდენობის ზრდას STEM-მიმართულებებში, მათი კარიერული პერსპექტივების გაუმჯობესებას და გენდერული განზომილების ინტეგრირებას კვლევაში.

შეხვედრაზე დამსწრე, კონსორციუმის წევრი, ორგანიზაციების წარმომადგენლებმა განიხილეს პროექტის ფარგლებში განხორციელებული აქტივობები და პანდემიით გამოწვეული დაბრკოლებების საკითხი. შეხვედრის მიმდინარეობა, ასევე დაეთმო პროექტის სამუშაო პაკეტების ლიდერების პრეზენტაციებსა და კონსორციუმის სამომავლო საქმიანობის მიმოხილვას.