შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის ერთობლივი „Rustaveli-DAAD“- ის სასტიპენდიო პროგრამის 2026 წლის საგრანტო კონკურსი

31 მარტი, 2026

შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის ერთობლივი „Rustaveli-DAAD“- ის სასტიპენდიო პროგრამის 2026 წლის საგრანტო კონკურსი

შოთა რუსთაველის საქართველოს ეროვნული სამეცნიერო ფონდი აცხადებს 2026 წლის შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის ერთობლივი „Rustaveli-DAAD“- ის სასტიპენდიო პროგრამის საგრანტო კონკურსს

კონკურსის სახელწოდება

შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის ერთობლივი „Rustaveli-DAAD“- ის სასტიპენდიო პროგრამის საგრანტო კონკურსი

კონკურსის აბრევიატურა Rustaveli-DAAD

კონკურსის მიზანი

საგრანტო კონკურსის მიზანია ხელი შეუწყოს ახალგაზრდა მეცნიერებსა და დოქტორანტებს:

ა) სამეცნიერო კვლევების განხორციელებასა და ხარისხიანი სადოქტორო განათლების მიღებაში;

ბ) სამეცნიერო პრაქტიკის გაზიარებითა და საერთაშორისო გაცვლის პროცესების გაუმჯობესების გზით გერმანელ კოლეგებთან ერთად სამეცნიერო ქსელის შექმნაში;

გ) თემატური ან ინტერდისციპლინური მიმართულებით სამეცნიერო თანამშრომლობის გაღრმავებაში.

საპროექტო განაცხადის ტიპი: ინდივიდუალური

კონკურსის ძირითადი პირობები:

საგრანტო კონკურსის ფარგლებში ფინანსდება პროექტები, რომლებიც ითვალისწინებს გერმანიის უმაღლეს საგანმანათლებლო დაწესებულებებსა ან/და კვლევით ინსტიტუტებში სტაჟირებას:

ა) ახალგაზრდა მეცნიერებისთვის - სტიპენდიის ხანგრძლივობა: 2-დან 6 თვემდე;

ბ) დოქტორანტებისთვის - სტიპენდიის ხანგრძლივობა - 3 თვე;

გ) ერთობლივი სადოქტორო პროგრამების დოქტორანტებისთვის - სტიპენდიის ხანგრძლივობა - 6 თვე.

სტაჟირება უნდა განხორციელდეს 2026 წლის 1 ივნისიდან - 30 ნოემბრის პერიოდში.

საგრანტო კონკურსი მოიცავს DAAD-ის კლასიფიკატორის შემდეგ სამეცნიერო მიმართულებებს:

ა) ენები და კულტურის კვლევები;

ბ) სამართალი, ეკონომიკა და სოციალური მეცნიერებები;

გ) მათემატიკა და საბუნებისმეტყველო მეცნიერებები;

დ) მედიცინა;

ე) ვეტერინარული მედიცინა, მეტყევეობა, ეკოლოგია, აგრარული და კვების მეცნიერებები;

ვ) ინჟინერია;

ზ) ხელოვნების, მუსიკისა და სპორტის მეცნიერებები.

კონკურსში მონაწილეობისათვის წარმოსადგენი დოკუმენტაცია შედგება ორი ნაწილისაგან:

DAAD-ის ელექტრონულ პორტალზე ასატვირთი დოკუმენტები;
ფონდის გრანტების მართვის ერთიან სისტემაში - GMUS შესავსები და ფონდის კანცელარიაში წარსადგენი დოკუმენტები.

პროექტის მომზადებისათვის საჭირო მასალები და დანართები:

კონკურსის პირობები (დანართი №1) - ქართულ ენაზე;
კრებსითი ინფორმაცია პროექტის შესახებ (დანართი №2, ნიმუში) - ქართულ ენაზე, ივსება GMUS-ში პროექტის რეგისტრაციის დროს;
კვლევითი პროექტი - (დანართი №3) – ქართულ ენაზე, იტვირთება GMUS-ში PDF დოკუმენტის სახით;
პროექტის ბიუჯეტი (დანართი №4, ნიმუში) - ქართულ ენაზე ივსება GMUS-ში;
განცხადება კონკურსში მონაწილეობის შესახებ (დანართი №5, ნიმუში) - ქართულ ენაზე, გენერირდება GMUS-დან პროექტის რეგისტრაციის შემდეგ;
საკონსულტაციო პრეზენტაცია
ხშირად დასმული კითხვები

კონკურსის ადმინისტრირების გრაფიკი:

ფონდის მიერ DAAD-თან შეთანხმებით ერთობლივი კონკურსის გამოცხადება;
პროექტების რეგისტრაცია
- DAAD-ის ელექტრონულ პორტალზე - 2026 წლის 31 მარტიდან - 2026 წლის 15 აპრილის 23:00 საათამდე;
- GMUS-ში - 2026 წლის 31 მარტიდან - 2026 წლის 15 აპრილის 17:00 საათამდე;
ფონდის კანცელარიაში კონკურსში მონაწილეობის შესახებ განცხადების (დანართი 5) წარდგენა - 2026 წლის 15 აპრილის 17:00 საათამდე;
კონკურსში რეგისტრირებული პროექტების ტექნიკური ექსპერტიზა, კონკურსის პირობებთან და მოთხოვნებთან შესაბამისობის შემოწმება - 2026 წლის აპრილი;
კონკურსის პირობების დაცვით წარმოდგენილი პროექტების შეფასება - 2026 წლის აპრილი - მაისი;
ფონდისა და DAAD-ის მიერ გამარჯვებული პროექტების გამოვლენა - 2026 წლის მაისი;
საგრანტო ხელშეკრულების გაფორმება და დაფინანსება - 2026 წლის მაისი - ივნისი;