შოთა რუსთაველის საქართველოს ეროვნული სამეცნიერო ფონდის მოსწავლე გამომგონებელთა და მკვლევართა,,ლეონარდო და ვინჩის“ 2020  კონკურსის ფარგლებში დარეგისტრირდა 20 საკონკურსო განაცხადი.

კონკურსის მეორე ეტაპზე გადავიდა 18 საკონკურსო განაცხადი.

კონკურსის პირველი ეტაპის მაქსიმალური შეფასებაა 50 ქულა.

კონკურსის მეორე საფეხურზე გადავიდნენ  ის კონკურსანტები, რომლებმაც შეფასების კრიტერიუმების მიხედვით მიიღეს არანაკლებ 30  ქულა.

იხილეთ:

მოსწავლე გამომგონებელთა და მკვლევართა „ლეონარდო და ვინჩის“ 2020 წლის კონკურსის პირველი ეტაპის შედეგები - რანჟირებული სია და მეორე ეტაპზე გადასული პროექტების სია.

კონკურსის მეორე ეტაპზე, საკონკურსო განაცხადის - „განაცხადი კონკურსში მონაწილეობის შესახებ“, პროექტის აღწერილობის, ხელმძღვანელისა და შესაბამისი დარგის მეცნიერის ან ზედამხედველის (ასეთის არსებობის შემთხვევაში) პროფესიული ბიოგრაფიების და საილუსტრაციო მაკეტის/მოდელის/ნახაზის შემცველი ელექტრონული ფაილების წარდგენა  შესაძლებელი იქნება ფონდის შემდეგ ელექტრონულ ფოსტის მისამართზე: leo@rustaveli.org.ge  2020 წლის  01 ოქტომბრის 18:00 სთ-მდე. 

სარეგისტრაციო შიფრი მიენიჭება საგრანტო კონკურსის ელ. ფოსტაზე კონკურსის მეორე ეტაპზე წარმოდგენილ თითოეულ პროექტს და გაეგზავნება პროექტის წარმდგენს.

პროექტის წარმდგენი ამობეჭდავს განაცხადს კონკურსში მონაწილეობის შესახებ, მიუთითებს  პროექტის შიფრს:   leo/…/…/20 რომელიც მიენიჭება  პროექტის წარდგენის შემდეგ, ამობეჭდავს და   დაადასტურებს ხელმოწერებით.

ამობეჭდილი,შევსებული, ხელმოწერებით დადასტურებული ,,განაცხადი კონკურსში მონაწილეობის შესახებ“, საილუსტრაციო ნახაზთან /მოდელთან/მაკეტთან ერთად წადგენილი უნდა იქნას ფონდის კანცელარიაში, ხოლო რეგიონებში მცხოვრებმა მონაწილეებმა განაცხადი და საილუსტრაციო ნახაზი/მოდელთან/მაკეტთან ერთად უნდა წარადგინონ  საქართველოს განათლების, მეცნიერების, კულტურისა და სპორტის სამინისტროს ტერიტორიული ორგანოების (შესაბამისი რაიონის) საგანმანათლებლო რესურს-ცენტრში 2020 წლის 05 ოქტომბრის 18:00 სთ-მდე. 

პროექტის აღწერილობის ტექსტი (კონკურსის მეორე ეტაპზე წარსადგენი)  აკრეფილი უნდა იყოს MS Word-ის ტექსტური რედაქტორის გამოყენებით, ქართული უნიკოდის მეშვეობით (Sylfaen), ზომა 11, ინტერვალი 1.5. პროექტის აღწერილობა უნდა მოიცავდეს შემდეგს (სიტყვების რეკომენდებული რაოდენობა - 250):

1. გამოგონების/კვლევის  სიახლისა და ორიგინალობის აღწერა;
2. გამოგონების/კვლევის აქტუალობა და მისი პრაქტიკული გამოყენებადობა/რეალიზებადობა;
3. დასკვნა.

საკონკურსოდ განიხილება მხოლოდ ის განაცხადები,  რომლებიც გამოგზავნილი იქნება მითითებულ  ელექტრონულ ფოსტაზე და ამავდროულად კონკურსის მეორე ეტაპის საკონკურსო განაცხადი  ამობეჭდილი, ხელმოწერილი და საილუსტრაციო მაკეტი/მოდელი/ნახაზი წარმოდგენილი იქნება ფონდის კანცელარიაში, ხოლო რეგიონებში მცხოვრები მონაწილეების  მიერ  საქართველოს განათლებისა და მეცნიერების სამინისტროს ტერიტორიული ორგანოების (შესაბამისი რაიონის) საგანმანათლებლო რესურს-ცენტრში  2020 წლის  05  ოქტომბრის 18:00 სთ-მდე. 

ვადის დარღვევის ან/და არასრული დოკუმენტაციის წარმოდგენის შემთხვევაში პროექტი  მოიხსნება კონკურსიდან.

კონკურსის ფინალზე - საკონკურსო გამოფენაზე გადასასვლელად აუცილებელი პირობაა პროექტმა მეორე ეტაპზე (მეორე ეტაპის 1,2,3,4 კრიტერიუმებში)  მიიღოს 40 ან მეტი ქულა.

საკონკურსო კომისია  საკონკურსო გამოფენაზე  გამოავლენს გამარჯვებულებს  2020 წლის  ნოემბერში.

 

• კონკურსის პირობები
• კონკურსის მეორე ეტაპზე  მონაწილეობის შესახებ განაცხადის ფორმა
• მეორე ეტაპზე წარსადგენი პროექტის აღწერილობა
• მეორე ეტაპის შეფასების კრიტერიუმები

 

შოთა რუსთაველის საქართველოს ეროვნული სამეცნიერო ფონდი გისურვებთ წარმატებებს!