ფონდი აცხადებს შოთა რუსთაველის საქართველოს ეროვნული სამეცნიერო ფონდისა და ფრანგულ-ქართული უნივერსიტეტის ერთობლივი სამეცნიერო კვლევითი სტაჟირების საგრანტო კონკურსს

 

კონკურსის აბრევიატურა:  UFG

 

კონკურსის მიზანი :

 

• საუნივერსიტეტო და სამეცნიერო თანამშრომლობის გაღრმავება საქართველოსა და საფრანგეთს შორის;
• სამეცნიერო კვლევითი სტაჟირების გავლის გზით საერთაშორისო სამეცნიერო-კვლევით პროექტებში მხარეთა ერთობლივი ჩართულობისა და საქართველოს უმაღლესი საგანმანათლებლო დაწესებულებათა დოქტორანტების კარიერული განვითარების ხელშეწყობა.

 

საპროექტო განაცხადის ტიპი:   ინდივიდუალური

 

კონკურსის ძირითადი პირობები:

1. პროექტით გათვალისწინებული კვლევითი ვიზიტის ხანგრძლივობა უნდა შეადგენდეს 2 თვეს.
2. ფონდი და უნივერსიტეტი ერთობლივად შეარჩევენ და მხარს დაუჭერენ დოქტორანტურის საფეხურზე სამი მიწვეული მკვლევრის სამეცნიერო ვიზიტს საფრანგეთში.
3. პროექტს უნდა ჰყავდეს მასპინძელი დაწესებულება, რომლის ბაზაზეც მიწვეული მკვლევარი განახორციელებს კვლევით და აკადემიურ საქმიანობას.
4. მასპინძელი უნივერსიტეტი უზრუნველყოფს შესაბამისი მენტორის აყვანას, რომელიც იქნება შესაბამისი სფეროს მკვლევარი.
5. კონკურსის დაფინანსებას უზრუნველყოფენ ფონდი და უნივერსიტეტი ერთობლივად.
6. ერთი გამარჯვებული მიწვეული მკვლევარის დაფინასება შეადგენს 2,100 (ორი ათას ასი) ევროს ეკვივალენტს ლარში.
7. მინიჭებული სტიპენდია ფარავს საცხოვრებელის, ავიაბილეთის (ორი მიმართულების) და კვლევასთან დაკავშირებულ სხვა ხარჯებს.

 

კონკურსში პროექტის რეგისტრაცია ხორციელდება ორ ეტაპად:

 

ა) ელექტრონული რეგისტრაცია – 2026 წლის 27 აპრილიდან - 2026 წლის 22 მაისის 16:00 საათამდე გრანტების მართვის ერთიან სისტემაში: gmus.rustaveli.org.ge

ბ) რეგისტრაცია ფონდის კანცელარიაში - „განცხადება კონკურსში მონაწილეობის შესახებ“ წარდგენა – 2026 წლის 2 ივნისის 17:00 საათამდე.

 

 

კონკურსის მარეგულირებელი დოკუმენტები:

 

• საქართველოს განათლებისა და მეცნიერების მინისტრის ბრძანება №23/ნ
• ფონდის გენერალური დირექტორის 2026 წლის 22 აპრილის N466630 ბრძანება
• ფონდსა და ფრანგულ-ქართულ უნივერსიტეტს შორის გაფორმებული შეთანხმება (ქართული და ინგლისური)

 

პროექტის მომზადებისათვის საჭირო დანართები და მასალები:

• კონკურსის პირობები - (დანართი 1)
• კრებსითი ინფორმაცია - თავფურცელი (ნიმუში - დანართი 2, ივსება GMUS-ში)
• საპროექტო წინადადება დანართი 3 ქართულ და ინგლისურ ენაზე 
• კონკურსში მონაწილის ბიოგრაფია (CV) (ნიმუში - დანართი 4, ავტომატურად გენერირდება GMUS-იდან)
• „განცხადება კონკურსში მონაწილეობის შესახებ“ (ნიმუში - დანართი 5, ავტომატურად გენერირდება GMUS-იდან)

 

 

ონლაინ  საინფორმაციო შეხვედრები (შეხვედრის ბმული განთავსდება მოგვიანებით)

 

დამატებითი კითხვების არსებობის შემთხვევაში, შეგიძლიათ დაუკავშირდეთ კონკურსის კოორდინატორს:

 

დავით ჩიჩუა

ელ-ფოსტა:  chichua@rustaveli.org.ge

ტელ:  2 200 220 (4021)

 

კონსულტანტები ფინანსურ საკითხებში :

ზურაბი აბრამიშვილი

თეონა ზაქაშვილი