შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას მონაცემთა პორტატულობისა და სერვისების ინკუბატორი (DAPSI) – ს 2020 წლის საგრანტო პროგრამის შესახებ
Data Portability & Services Incubator (DAPSI) –ინტერნეტ ტექნოლოგიების სფეროში მოღვაწე ინოვატორებს, ევროპის სივრცესა და საქართველოში, საშუალებს აძლევს მონაწილეობა მიიღონ ევროპული კომისიის მიერ დაფინანსებულ მომავლის თაობის ინტერნეტინიციატივის 9 თვიან პროგრამაში (2020 წლის სქეტემბერი- 2022 წლის მაისი).
პროგრამა ითვალისწინებს:
- დაფინანსებას 150 000 ევრომდე,
- წვდომას უმაღლესი დონის ინფრასტრუქტურაზე,
- ტრენინგებს და სწავლებას,
- შესაძლებლობას, მიიღოთ მონაწილეობა მომავლის ინტერნეტ სივრცის ეკოსისტემის შექმნაში
კონკურსის ძირითად მიზნობრივ ჯგუფს წარმოადგენს პირები/ორგანიზაციები, რომელთა ძირითადი საქმიანობა ეხება ონლაინ პლატფორმიდან პლატფორმაზე მონაცემთა პორტირებისა და ღრუბლოვანი სისტემების სერვისების შექმნასა და განვითარებას.
DAPSI-ს მართავს შესაბამის სფეროებში მომუშავე 6 გამოცდილი პარტნიორისაგან შემდგარი გუნდი, რომელიც შედგება შემდეგი წევრებისაგან: Zabala Innovation Consulting (ესპანეთი), F6S (ირლანდია), Cap Digital (საფრანგეთი), IMT Starter (საფრანგეთი), Fraunhofer IAS (გერმანია) და Engineering (იტალია).
კონკურსში მონაწილეობის მიღება შეუძლიათ:
- ინტერნეტ ტექნოლოგიების სფეროში მოღვაწე მკვლევრებსა და ინოვატორებს;
- მკვლევრებსა და ვებ-პროგრამირების სპეციალისტებს, რომლებიც დასაქმებულნი არიან უმაღლეს-საგანმანათლებლო დაწესებულებებში, კვლევით დაწესებულებებში, არასამთავრობო ორგანიზაციებში, სამეცნიერო ფონდებსა და კვლევით ცენტრებში ან საწარმოებში.
მონაწილეობის მიღება შესაძლებელია შემდეგი ფორმატით:
- ინდივიდუალურად ან რამდენიმე ადამიანისაგან შემდგარი გუნდებისათვის;
- ორგანიზაციებისთვის ინდივიდუალურად ან რამდენიმე ინსტიტუციისაგან/ორგანიზაციისაგან შემდგარი კონსორციუმებისათვის.
კონკურსის, მონაწილეობის მიღების წესის, კონკურსის პირობების, სააპლიკაციო ფორმის შაბლონისა და სხვა ნებისმიერი სახის დეტალური ინფორმაციის მისაღებად გთხოვთ წერილობით მიმართოდ DAPSI-ის წარმომადგენლებს ელ ფოსტაზე: dapsi@ngi.eu ან ეწვიოთ ვებ-გვერდს.
კონკურსში რეგისტრაციის პირობების შესახებ ინფორმაციის გასაცნობად, გთხოვთ ეწვიოთ ვებ-გვერდს.
გთხოვთ იხილოთ კონკურსის გზამკვლევი დოკუმენტი:
დანართი №1 - გზამკვლევი აპლიკანტებისათვის.
ყურადღება: განაცხადების მიღების ბოლო ვადა: 2020 წლის 22 აპრილი 14:00 (საქართველოს დროით).