კონკურსის სახელწოდება:

მაგისტრანტთა სასწავლო-კვლევითი პროექტების გრანტით დაფინანსების კონკურსი

კონკურსის აბრევიატურა: MR

 

კონკურსის მიზანი:

მაგისტრატურის აკრედიტებულ საგანმანათლებლო პროგრამაზე ჩარიცხული მაგისტრანტების სამაგისტრო ნაშრომის ფარგლებში სამეცნიერო კვლევების ხარისხის გაზრდის, აკადემიური დონის ამაღლებისა და კვლევითი უნარ-ჩვევების განვითარების ხელშეწყობა, ასევე, საქართველოს უმაღლესი საგანმანათლებლო დაწესებულების სამეცნიერო-კვლევითი პოტენციალის გაუმჯობესების, სწავლის პროცესში კვლევის ინტეგრაციისა და თემატური და/ან ინტერდისციპლინური მიმართულებით კვლევითი აქტივობის განვითარების ხელშეწყობა.

 

საპროექტო განაცხადის ტიპი:

ინდივიდუალური

 

კონკურსის ძირითადი პირობები:

• საგრანტო კონკურსის ფარგლებში გაიცემა მხოლოდ ინდივიდუალური სასწავლო-კვლევითი გრანტები;
• კონკურსის ფარგლებში გრანტი შეიძლება მოიპოვოს საქართველოს მოქალაქე,  საქართველოს  უმაღლესი  საგანმანათლებლო დაწესებულების მაგისტრატურის აკრედიტებულ საგანმანათლებლო პროგრამაზე ჩარიცხულმა, სტუდენტის აქტიური სტატუსის მქონე მაგისტრანტმა;
• გრანტის მიღების პერიოდში მაგისტრანტი უნდა იყოს მაგისტრატურის საგანმანათლებლო პროგრამის დამამთავრებელი ან დამამთავრებლის წინა სემესტრის სტუდენტი;
• კონკურსის ფარგლებში დაფინანსდება პროექტები შემდეგ სამეცნიერო მიმართულებებში:
• საბუნებისმეტყველო მეცნიერებები;
• ინჟინერია და ტექნოლოგიები;
• სამედიცინო და ჯანმრთელობის მეცნიერებები;
• აგრარული მეცნიერებები;
• სოციალური მეცნიერებები;
• ჰუმანიტარული მეცნიერებები;
• საქართველოს შემსწავლელი მეცნიერებები.

 

• პროექტის ხანგრძლივობა შეიძლება იყოს მინიმუმ 4 და მაქსიმუმ – 10 თვე;
• ფონდიდან მოთხოვნილი თანხა არ უნდა აღემატებოდეს 6000 ლარს;
• მაგისტრანტის სტიპენდია არ უნდა აღემატებოდეს 1200 ლარს;
• დაუშვებელია საგრანტო კონკურსში ერთი და იმავე პირის მიერ ერთზე მეტი განაცხადის წარდგენა.

 

კონკურსის ადმინისტრირების გრაფიკი:

• ელექტრონული რეგისტრაცია - 2025 წლის 9 ოქტომბრიდან 30 ოქტომბრის 16:00 საათამდე;
• ჯგუფური ონლაინ კონსულტაციები - 9 (12:00 სთ), 17, 24 ოქტომბერი

საკონსულტაციო შეხვედრის ბმულები და ზუსტი დრო გამოქვეყნდება ეტაპობრივად, შეხვედრების წინა დღეს;

• ელექტრონულ ფოსტაზე შეკითხვების გამოგზავნის ბოლო ვადა - 26 ოქტომბერი;
• კონკურსში მონაწილეობის შესახებ განცხადების წარდგენა ფონდის კანცელარიაში -2025 წლის 7 ნოემბრის 18:00 საათამდე;
• რეგისტრირებული პროექტების კონკურსის პირობებთან და მოთხოვნებთან შესაბამისობის დადგენა - 2025 წლის ნოემბერი;
• შუალედური შედეგების გამოქვეყნება - ინფორმაცია კონკურსის პირობების დარღვევით წარმოდგენილი პროექტების მოხსნის შესახებ - 2025 წლის ნოემბერი;
• კონკურსის პირობების დაცვით წარმოდგენილი პროექტების შეფასება - 2025 წლის ნოემბერი-დეკემბერი;
• დასაფინანსებლად შერჩეული პროექტების საბოლოო სიის დამტკიცება ფონდის გენერალური დირექტორის მიერ და კონკურსის შედეგების გამოქვეყნება - 2025 წლის დეკემბერი.

 

კონკურსის მარეგულირებელი დოკუმენტები:

საქართველოს განათლებისა და მეცნიერების მინისტრის 2015 წლის 5 ოქტომბრის №130/ნ ბრძანება

ფონდის გენერალური დირექტორის 2025 წლის 7 ოქტომბრის № 153 ბრძანება

 

პროექტის მომზადებისათვის საჭირო მასალები და დანართები:

• კონკურსის პირობები - დანართი 1
• კრებსითი ინფორმაცია პროექტის შესახებ - დანართი 2, ივსება GMUS-ში
• საპროექტო წინადადება - დანართი 3
• მაგისტრანტის, სამაგისტრო ნაშრომის ხელმძღვანელის და კონსულტანტის (ასეთის არსებობის შემთხვევაში) პროფესიული ბიოგრაფიები - CV დანართი 4, ივსება GMUS-ში
• ცნობა მაგისტრატურის აკრედიტირებულ საგანმანათლებლო პროგრამაზე სწავლის შესახებ - დანართი 5
• კონსულტანტის თანხმობის წერილი (დანართი № 6.1 GEO, დანართი № 6.2 ENG )
• პროექტის განხორციელების გეგმა-გრაფიკი - დანართი 7, ივსება GMUS-ში
• პროექტის ბიუჯეტი - დანართი 8, ივსება GMUS-ში
• სხვა იურიდიული/ფიზიკური პირის თანხმობის წერილი მატერიალურ-ტექნიკური ბაზის გამოყენების შესახებ - დანართი 9
• სამეცნიერო მიმართულებების კლასიფიკატორი - დანართი 11
• კონკურსის საკონსულტაციო პრეზენტაცია (გამოქვეყნდება მოგვიანებით)
• ხშირად დასმული კითხვები (გამოქვეყნდება მოგვიანებით)

 

ელექტრონული რეგისტრაციის ბმულები:

• გრანტების მართვის ერთიანი სისტემა - პროექტების რეგისტრაციისათვის (ბმული)
• ელექტრონული რეგისტრაციის ინსტრუქცია (ბმული)

 

მნიშვნელოვანი ინფორმაცია განმცხადებლებისთვის:

• პროექტის მოსამზადებლად აუცილებელია დეტალურად გაეცნოთ როგორც მინისტრის ბრძანებას, ასევე დირექტორის ბრძანებით დამტკიცებულ პირობებსა და შესაბამის დანართებს;
• ჩატარდება მხოლოდ ჯგუფური კონსულტაციები;
• დამატებითი კითხვების არსებობის შემთხვევაში, შესაძლებელია შეკითხვების გამოგზავნა 25 სექტემბრის 18:00 საათამდე კონკურსის ელ.ფოსტაზე:  mr@rustaveli.org.ge
• ხშირად დასმული კითხვების დოკუმენტები პერიოდულად განახლდება კონკურსის დასრულებამდე.

 

კოორდინატორი:

 დავით ჩიჩუა- პროგრამული საკითხები -  +(995 32) 2 200 220 (4021)

კოორდინატორის ასისტენტები:

სტაჟიორი - ნინო ცოკილაური

სტაჟიორი - ტატა ოქროჯანაშვილი 

 

იურიდიული და  ფინანსური  საკითხების  შესახებ  ინფორმაციის  მისაღებად  მოგვწერეთ კონკურსის ელ-ფოსტაზე: mr@rustaveli.org.ge

 

ფონდი გისურვებთ წარმატებებს!