კონკურსის სახელწოდება

ვატიკანში არსებული ქართული კულტურული მემკვიდრეობის კვლევისა და პოპულარიზაციის ხელშემწყობ სახელმწიფო სამეცნიერო საგრანტო კონკურსი

კონკურსის აბრევიატურა     GEOHER

 

კონკურსის მიზნებია:

• ვატიკანის არქივებში დაცული ქართული კულტურული მემკვიდრეობის იდენტიფიცირება, კვლევა და, საჭიროების შემთხვევაში, გაციფრულება კვლევის მიზნებიდან გამომდინარე;
• ქართული კულტურული მემკვიდრეობის შესწავლისადმი ინტერდისციპლინარული და ინოვაციური მიდგომების მხარდაჭერა;
• ახალგაზრდა მეცნიერების შესაძლებლობების განვითარება ვატიკანში არსებული ქართული კულტურული მემკვიდრეობის კვლევების სფეროში;
• კვლევის შედეგების პოპულარიზაცია, ქართული ხელნაწერებისა და სხვა კულტურული მემკვიდრეობის მასალების ხელმისაწვდომობისა და ხილვადობის გაზრდა, ასევე საერთაშორისო ცნობიერების ამაღლება ეთიკური, სამართლებრივი და ინსტიტუციური ჩარჩოების დაცვით.

 

საპროექტო განაცხადის ტიპი:   ინდივიდუალური

 

კონკურსის ძირითადი პირობები:

• კონკურსის ფარგლებში ფინანსდება ინდივიდუალური და ჯგუფური პროექტები.
• კონკურსში მონაწილეობისთვის აუცილებელი პირობაა პროექტის წარმდგენს ჰქონდეს ვატიკანის არქივებში მუშაობის წერილობითი ნებართვა ან წარმოადგინოს ნებართვის მიღების პროცესის

დამადასტურებელი ოფიციალური დოკუმენტი.

• ინდივიდუალური პროექტის შემთხვევაში, პროექტის წარდგენა შეუძლია საქართველოს მოქალაქე მკვლევარს, რომელსაც აქვს დოქტორისან მასთან გათანაბრებული აკადემიური ხარისხი;
• ჯგუფური პროექტის შემთხვევაში, საქართველოს მოქალაქე მკვლევართა ჯგუფს, რომელიც შედგება არაუმეტეს სამი წევრისგან. ჯგუფურ პროექტს უნდა ჰყავდეს პროექტის ხელმძღვანელი.

 

საკონკურსოდ წარდგენილი პროექტის მაქსიმალური ხანგრძლივობა არის 6 თვე.

ფონდიდან მოთხოვნილი დაფინანსება  ინდივიდუალური პროექტისთვის  არ უნდა აღემატებოდეს 30 000 ლარს, ხოლო ჯგუფური პროექტისთვის - 60 000 ლარს.

 

ფონდიდან მოთხოვნილი თანხა მოიცავს შემდეგ ხარჯვით კატეგორიებს:

ა) მკვლევარის საგრანტო დაფინანსება;

ბ) კვლევითი საქმიანობის ხარჯები;

გ) საგამომცემლო ხარჯი.

 

კონკურსის ადმინისტრირების გრაფიკი:

• კონკურსის გამოცხადება - 2026 წლის 4 მაისი;
• პროექტების ელექტრონული რეგისტრაცია GMUS-ში - 2026 წლის  4 მაისი-29 მაისის 16:00 საათი;
• ჯგუფური ონლაინ კონსულტაციები;
• ელექტრონულ ფოსტაზე შეკითხვების გამოგზავნის ბოლო ვადა - 2026 წლის 20 მაისი;
• კონკურსში მონაწილეობის შესახებ განცხადების წარდგენა ფონდის კანცელარიაში - 2026 წლის 5 ივნისის 18:00 საათი;
• კონკურსში რეგისტრირებული პროექტების ტექნიკურ ექსპერტიზა, კონკურსის პირობებთან და მოთხოვნებთან შესაბამისობის შემოწმება, ხარვეზების დადგენა და გამოსწორება - 2026 წლის ივნისი;
• კონკურსის პირობების დაცვით წარმოდგენილი პროექტების შეფასება - 2026 წლის ივლისი-აგვისტო;
• კომისისს შეფასებაზე დაყრდნობით, გამარჯვებული პროექტების გამოვლენა და დამტკიცება - 2026 წლის სექტემბერი.

 

კონკურსის მარეგულირებელი დოკუმენტები:

• საქართველოს განათლების, მეცნიერებისა და ახალგაზრდობის მინისტრის 2026 წლის 16 აპრილის N 55/ნ  ბრძანება
• ფონდის გენერალური დირექტორის 2026  წლის 04 მაისის  №524502 ბრძანება
• შეფასების კრიტერიუმები

 

პროექტის მომზადებისათვის საჭირო დანართები

• პირობები - დანართი 1
• კრებსითი ინფორმაცია პროექტის შესახებ - დანართი 2, ივსება GMUS-ში
• საპროექტო წინადადება (GEO/ENG) - დანართი 3
• მკვლევარისა და მკვლევართა ჯგუფის წევრების - CV - დანართი 4, ივსება GMUS-ში;
• კონსულტანტის (ასეთის არსებობის შემთხვევაში) თანხმობის წერილი (GEO/ENG) - დანართი 5
• პროექტის განხორციელების გეგმა-გრაფიკი - დანართი 6, ივსება GMUS-ში
• პროექტის განხორციელების ბიუჯეტი და ბიუჯეტის დასაბუთება - დანართი 7, ივსება GMUS-ში
• ცნობა თანადაფინანსების შესახებ (ასეთის არსებობის შემთხვევაში) (GEO/ENG) - დანართი 8
• თანხმობის წერილი მატერიალურ-ტექნიკური ბაზის გამოყენების შესახებ (GEO/ENG) - დანართი 9
• განცხადება კონკურსში მონაწილეობის შესახებ - დანართი 10, გენერირდება GMUS-დან

 

ელექტრონული რეგისტრაციის ბმული - გრანტების მართვის ერთიანი სისტემა (GMUS)

 

 

მნიშვნელოვანი ინფორმაცია განმცხადებლებისთვის:

• პროექტის მოსამზადებლად აუცილებელია დეტალურად გაეცნოთ როგორც მინისტრის ბრძანებას, ასევე დირექტორის ბრძანებით დამტკიცებულ პირობებსა და შესაბამის დანართებს;
• ჩატარდება მხოლოდ ჯგუფური კონსულტაციები;
• დამატებითი კითხვების არსებობის შემთხვევაში, შესაძლებელია შეკითხვების გამოგზავნა ელ. ფოსტაზე  geoher@rustaveli.org.ge

 

 

კონკურსის კოორდინატორი:

ნინო აბუსელიძე 

ტელ:  +995 32 2 200 220 (შიდა ნომერი 4016); (დარეკეთ მხოლოდ სამუშაო საათებში, ორშაბათი-პარასკევი, 09:00-18:00)

  

კონკურსის ფინანსური კონსულტანტები:

ანა კობერიძე

ირაკლი იაშვილი

 

ფონდი გისურვებთ წარმატებას!