წიგნი შეიქმნა ცნობილი ქართველი მეცნიერის, თსს აკადემიის ტენუარის, დიმიტრი თუმანიშვილის მიერ 2014-2015 წლებში თბილისის სახელმწიფო სამხატვრო აკადემიის სამეცნიერო-სასწავლო რადიოსათვის გაკეთებული უნიკალური ჩანაწერების _ ლექციათა ციკლის საფუძველზე. ლექციათა ციკლი მოიცავს ქართული ხუროთმოძღვრების განვითარების ვრცელ პერიოდს, დაწყებულს ძვ.წ. V-IV ათასწლეულებიდან, თანამედროვე ეპოქამდე _ XX საუკუნის ბოლომდე. პუბლიკაციაში განხილულია ქართული ხუროთმოძღვრების დღემდე აქტუალური და პრობლემატური საკითხები, მრავალფეროვანი, მრავალშრიანი კულტურული და ისტორიული კონტექსტები, რაც დიდი მეცნიერის მრავალწლიანი კვლევისა და ფიქრის შედეგია.

წიგნი ავტორის მიერ გამოსაცემად მომზადებული არ არის. გამომცემლები მაქსიმალურად შეეცადნენ, შეენარჩუნებინათ საუბრის ავტორისეული მანერა, რაც მკითხველის მეხსიერებაში აცოცხლებს ბ-ნი დიმიტრის საჯარო გამოსვლების სიღრმეს, განსა¬კუთრებულ მიმზიდველობასა და არტისტიზმს.

წიგნის სრული ელექტრონული ვერსია შეგიძლიათ იხილოთ: