კრებული მომზადდა სამეცნიერო პროექტის - „ქართველ მეცნიერ-ისტორიკოსთა ეპისტოლური მემკვიდრეობის აკადემიური გამოცემა (I-II ტომები)“ (გრანტი №FR17_257) - ფარგლებში.

  წინამდებარე კრებულით საფუძველი ეყრება XIX-XX საუკუნეების ქართველ მეცნიერ-ისტორიკოსთა ეპისტოლური მემკვიდრეობის აკადემიურ გამოცემას, რომლის მომზადების იდეა ბუნებრივად გაჩნდა ანალოგიურ პროექტზე - „XIX-XX საუკუნეების ქართველ მწერალთა ეპისტოლური მემკვიდრეობის აკადემიური გამოცემა“ - მუშაობის პროცესში.

I ტომში დაბეჭდილია პლატონ იოსელიანის 51 და დიმიტრი ბაქრაძის 67 წერილი, სულ 118 ეპისტოლე.

პლატონ იოსელიანის ჩვენამდე მოღწეული წერილები დაწერილია 1838-1870 წლებს შორის პერიოდში. მათი ადრესატი უმრავლეს შემთხვევაში მარი ბროსეა (44 წერილი). 48 წერილი ქართულია, ორი დაწერილია რუსულ და ერთიც ფრანგულ ენაზე.

დიმიტრი ბაქრაძის შემორჩენილი წერილების ქრონოლოგიური ჩარჩო მოიცავს 1850-1889 წლებს. მათი მნიშვნელოვანი ნაწილის (33 ერთეულის) ადრესატი ავტორის მეუღლე ანეტა მამაცაშვილი-ბაქრაძისაა. ბარათების ნაწილი გაგზავნილია საზოგადო მოღვაწეებისა თუ ოფიციალური პირებისადმი სამსახურებრივ და საზოგადოებრივ საქმეებთან დაკავშირებით. 1 წერილი დაწერილია ფრანგულად, 30 - რუსულად, დანარჩენი კი - ქართულად.

წერილებში კარგადაა გამოკვეთილი იმდროინდელი საქართველოს საზოგადოებრივ-კულტურული ცხოვრების მნიშვნელოვანი დეტალები, ისტორიოგრაფიული მეცნიერების სათავეებთან მდგომი ორი მკვლევარის ღვაწლი სიძველეთა მოძიებისა და მათი გამოქვეყნების საქმეში, პეტერბურგის მეცნიერებათა აკადემიის დამოკიდებულება ქართველი მეცნიერებისადმი და სხვა და სხვა.

წიგნის სრული ელექტრონული ვერსია შეგიძლიათ იხილოთ: