ქართველურ-თურქულ სამეტყველო კოდთა შერევის კანონზომიერებები ქართველურენოვანი მუჰაჯირების შთამომავალთა მეტყველების მიხედვით
კვლევა განხორციელდა შოთა რუსთაველის საქართველოს ეროვნული სამეცნიერო ფონდის დაფინანსებით; საგრანტო პროექტის შიფრი: FR-18-14869.
გამოკვლევაში მეცნიერული სიზუსტით არის წარმოდგენილი, ერთი მხრივ, ქართული სამწიგნობრო ენისათვის დამახასიათებელი ისტორიული ვითარება, რომელიც დღემდე შეინარჩუნა დედაენობრივ ფესვებს თითქმის საუკუნე-ნახევრით მოწყვეტილმა მუჰაჯირების შთამომავალთა მეტყველებამ, ხოლო მეორე მხრივ – ის ფონეტიკური, მორფოლოგიურ-სინტაქსური თუ ლექსიკურ-ფრაზეოლოგიური თავისებურებანი, რომლებიც მან უცხოენობრივ გარემოცვაში, ქართველურ-თურქულ სამეტყველო კოდთა შერევის კანონზომიერებათა საფუძველზე განივითარა. პროექტის მონაწილეებმა ნაშრომს დაურთეს თურქეთის ტერიტორიის სხვადასხვა ნაწილში მცხოვრებ ჩვენს თანამემამულეთაგან ჩაწერილი მოგონებები წინაპრებზე – მათი ცხოვრებისა და სამეურნეო საქმიანობის ამსახველი თემატურად მრავალფეროვანი ტექსტები, რომლებიც მნიშვნელოვანია როგორც ენათმეცნიერული თვალსაზრისით, ისე სხვა ქართველოლოგიური კვლევებისთვისაც.
წიგნის სრული ელექტრონული ვერსია შეგიძლიათ იხილოთ:
