მრავალფუნქციური ნანოკომპოზიტები B4C-TiC-SiC-BN-Al2O3-SiAlON-C სისტემაში საჯავშნე ფილების, ტურბინების დისკებისა და ფრთების, მაღალტემპერატურული და ცვეთამედეგი კვანძებისათვის
მონოგრაფიაში განხილულია მყარი მასალების მიღების ტექნოლოგიები B4C-TiC-TiB2-SiC-BN-Al2O3-SiAlON-C სისტემაში და მათში მიმდინარე ფიზიკურ-ქიმიური პროცესები კერამიკული კომპოზიტების კონსოლიდაციის პროცესში. მოცემულია მასალათა თვისებები დამოკიდებულებით მათში კრისტალური და ფორიანი ფაზის შემცველობისაგან და გამოყენების სფეროები. განხილულია მასალის თვისებების დამოკიდებულება შერეული და მყარფაზური შეცხობის პროცესებისათვის: კარბიდების, ბორიდების, ნიტრიდების და სილიციდების ბაზაზე მიღებული კომპოზიტებისათვის. მოცემულია მასალათმცოდენეობის საკითხები და ზოგიერთი განმარტებები. შესწავლილია კომპოზიტების მორფოლოგიური თვისებები ელექტრონულ-მიკროსკოპიული, რენტგენოსტრუქტურული და ოპტიკური კვლევების საფუძველზე. გარე და შიდა ფაქტორების ზემოქმედება მასალათა თვისებებზე, სტრუქტურულ ცვლილებებზე. მიკრო და მაკრომექანიკური თვისებები, დამოკიდებულებით კრისტალური და ფორიანი ფაზის შემცველობისაგან მატრიცაში, სინთეზირებული, კონსოლიდირებული მასალებისათვის, როგორც ქსენომორფული ასევე იდიომორფულ სტრუქტურებში. წარმოდგენილია ზ. კოვზირიძის მიერ შექმნილი მათემატიკური ფორმულები: დაშლის დაძაბულობის ენერგიის ფორმულა, მასალათა მექანიკური მოდულის ფორმულა, აღნიშნული ფორმულები დატესტილია წარმოდგენილ სხვადასხვა სტრუქტურული შედგენილობის მასალებზე. მონოგრაფია განკუთვნილია ყველა იმ ფაკულტეტების და ინსტიტუტების თანამშრომლებისათვის ვისაც შეხება აქვს მასალებთან. შესაძლებელია გამოიყენონ ქიმიური ტექნოლოგიისა და მეტალურგიის ფაკულტეტის, სამშენებლო, სატრანსპორტო, მანქანათმშენებლობის სპეციალობის სტუდენტებმა. მინდა უღრმესი მადლობა გადაუხადო ჩვენს თანამშრომლებს, რომლებმაც დრო და ენერგია არ დაიშურეს, რათა დამხმარებოდნენ წიგნის შედგენაში: პროფესორებს: გულიკო ტაბატაძეს, თემურ ჭეიშვილს, უფროს მეცნიერ თანამშრომლებს - აკადემიურ დოქტორებს მაია ბალახაშვილს, ნინო დარახველიძეს.
რეცენზენტები:
საქართველოს ტექნიკური უნივერსიტეტის ქიმიური და ბიოლოგიური ტექნოლოგიის დეპარტამენტის პროფესორი, ტ.მ.დ. თეიმურაზ ჭეიშვილი; ივ. ჯავახიშვილის თბილისის სახელმწიფო უნივერსიტეტის, ალ. თვალჭრელიძის კავკასიის მინერალურ ნედლეულთა ინსტიტუტის, სილიკატებისა და სამშენებლო მასალების ტექნოლოგიის სამეცნიერო-კვლევითი განყოფილების გამგე, მთავარი მეცნიერი თანამშრომელი აკად. დოქტორი ელენე შაფაქიძე.
მონოგრაფიის სრული ელექტრონული ვერსია შეგიძლიათ იხილოთ:
ფოტო გალერეა
