მონოგრაფია „აფხაზეთური ქართული“ (ტექსტები, გამოკვლევები) მომზადდა შოთა რუსთაველის ეროვნული სამეცნიერო ფონდის საგრანტო პროექტის ფარგლებში: (გრანტი # OTG-I-23-229 „აფხაზეთიდან დევნილთა მეტყველება, ქართველურ ენათა და დიალექტთა ინტერფერენციის დინამიკა“).

აფხაზეთის ქართველთა მეტყველება, გამორჩეული თავისი მოზაიკურობით, გვევლი-ნება სავსებით უნიკალურ მოვლენად ქართველურ ენობრივ სამყაროში და საყურადღებო ფაქტებს წარმოაჩენს ზოგადი ენათმეცნიერების თვალსაზრისითაც.

კრებული „აფხაზეთური ქართული“ შედგება ორი ნაწილისგან: I – ტექსტები, II – გამოკვლევები. დევნილთა სხვადასხვა თაობის მეტყველების ნიმუშები ჩაწერილია როგორც დედაქალაქში, ასევე საქართველოს სხვადასხვა მხარეში, საქართველოს ფარგლებს გარე-თაც. ტექსტების თემატიკა მრავალფეროვანია: სოხუმური ამბები, თავგადასავლები, ეპ-იზოდური ხასიათის ჩანაწერები, მოგონებები, 1992-1993 წლების ტრაგიკული ქრონიკები; მამა-პაპათა საფლავების, ზღვისპირეთის ლაჟვარდოვანი საცხოვრისის, იძულებით მიტოვებული სახლკარის მონატრების ტექსტები, ლექსები სოხუმზე, აფხაზეთელთა ბუნებრივი საუბრების დიალექტური ჩანაწერები... ჩატარებული კვლევებით, მონოგრაფიაში წარმოდგენილი ენათმეცნიერული გამოკვლევებით არის მცდელობა აფხაზეთის ქარ-თველთა მეტყველების ლინგვოკულტუროლოგიური სურათის წარმოჩენისა.

წიგნში საჭირო მასალებს ნახავს დიალექტოლოგიით, აფხაზეთის თემატიკით, ზოგადად, ქართველოლოგიით დაინტერესებული მკვლევარი: ენათმეცნიერი, ეთნოგრაფი, ფოლკლორისტი, სოციოლინგვისტი.

მონოგრაფიის  ელექტრონული  ვერსია შეგიძლიათ იხილოთ: ↔